Luka 14:27 - ALLALA KUMƐ

²⁷ Mɔgɔ-wo-mɔgɔ min ti a nyɛrɛ-faga-kɔn bi ka bila n kin-gbɛ fɛ, wo ti ke mala nna karan-dan la.

Luka 14:27 ပူးပေါင်းရင်းမြစ်များ

Matiyu 10:38

Min ti a nyɛrɛ faga-kɔn bi ka bila n kin-gbɛ fɛ, a ma bɛn, wo tigi ni bila n fɛ.

Matiyu 13:21

Kɔnɔ a ma don a yisi rɔ bɛrɛkɛ! A ti mɛ a rɔ. Nba, tɔrɔyɛ anubɛ gbɛlɛyɛ wa na tumɛ min kumɛ wola ko la, a si a boloka tiriya!

Maraka 10:21

Yisa ya a mafɛlɛn sin! Keminɛ wola ko diyara a ye. A ko, “A tonɛ ko kelen ma gbɛ, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Maraka 15:21

Anu bi tala tumɛ min, anu bɛnta kei do la min tɔgɛ Saimon, Sairini kɛ le. A bɔmatoe sɛnɛ rɔ nun ka ta soe. Kɛlɛ-dannu ya a fɔrɔsɛ Yisa faga-kɔlɔma bi-koe la. (Saimon wo, Alɛsanda anubɛ Rufasi fa le, kɔni.)

Luka 14:28

“Ni mɔgɛ do ye a fɛ ka san-bɔn sɔ, a si a sigi fɔlɔn ka a lɔn ni a si min nyɔgɔn sara a laban-koe la.

Yɔni 19:17

Anu bi a gbangbanna kɔlɔma min ma, a nyɛrɛ ya wo duni ka ta a la ha ka ke kan tinɛ min tɔgɛ ko, “Kun-kole.” (A tɔgɛ Hiburu-kan rɔ ko, “Kɔlɔkata.”)

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.