Luka 14:18 - ALLALA KUMƐ

¹⁸ Kɔnɔ anu wulita kelen-kelenyɛ ma ka anu masigima-koe fɔ. A fɔlɔtɛ ya a fɔ wɔli-kɛlɛ wo ye ko, ‘N bara dugi do san, fɔ n ni ta a mafɛlɛn. I yandi, i hakɛ to n ye.’

Luka 14:18 ပူးပေါင်းရင်းမြစ်များ

Yɛrɛmaya 6:10

N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Luka 14:17

Ala ladiyɛ kenɛ, a ya ala wɔli-kɛlɛ sɔ ka a fɔ ala sundannu ye ko, ‘Wo na, fan bɛɛ ra ara bɛn!’

Luka 14:19

Doi ko, ‘N bara sara-ninki tan san, ta-sɔgɛ ye n na ka wonu mafɛlɛn. I yandi, i hakɛ to n ye.’

Luka 18:24

Yisa ya a yen min kɛ ko a yisi ma ara gboya, a ko, “Nɔnfulu-tiginu don-koe Allala mansayɛ rɔ, wo gbɛlɛ de,

Luka 8:14

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya hɔn-koe anubɛ nɔnfulu-keni anubɛ duninya diyana-ko-su bɛɛ ya a ma, kumɛ wo fagara a yisi rɔ feu! Ko ti bɔ ala dɛnkɛninyɛ rɔ hali!

Yɔni 1:11

Ale Kumɛ nara ala mɔgɛnu bara kɔnɔ ala mɔgɛnu ma a rabira.

Yɔni 5:40

Hali wo, wo sa sɔnna nala n bara alako wo si habadan-nimayɛ sɔrɔn nya min.

Filipai 3:4

Ni mɔgɔ-wo-mɔgɔ ye a mirila ko a si kisi wo-sufa koe wonuna ko la, nde si ke wo mala ka tenbi anu denu na.

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

2 Timoti 4:4

Anu si anu tole bɔ tonya-kumɛ la ka anu tole masɔ tili gbansannu na.

Hiburunu 12:16

Wo ni a ma wo fɛrɛma ko mɔgɔ-wo-mɔgɔ kana ma sɔn-yogoma-tigi la. Wo kana ma iko Isɔ min ya ata sɔ tinɛ mayira a dɔgɛ ma dɔn-fen-nɛla ko la.