Luka 14:13 - ALLALA KUMƐ

¹³ Min fisa, i wa ladiyɛ ladan tumɛ min, bolo-kolɔnnu wo, tonkannɛnu wo, namarɛnu wo, fiyɔnnu wo, i ni wonu denu kele.

Luka 14:13 ပူးပေါင်းရင်းမြစ်များ

2 Samuwɛli 6:19

A ya dɔn-fan tala mɔgɛnu na. Min bɛɛ ye nyɔ wo wati rɔ, kei wo, musi wo, wo bɛɛ ya biredi-lɔngbɔn kelen-kelen anubɛ dɛgɛ-mayilannɛ anubɛ nɔnbɔ-gbɔ-gbalanɛ sɔrɔn. Wo kɔma, anu wayanta. Bɛɛ tara a warɛ.

2 Ko-Kɔrɔta-Karan 30:24

Mansa Hɛsakaya ya tura waga kelen (1,000) anubɛ saga waga wɔrɔnfila (7,000) labɔ ala nyamanita-mɔgɛnu ye. Ala mɔgɔ-banu ya tura waga kelen (1,000) anubɛ saga waga tan (10,000) sa mansatɛ wo kuma. Saraka-masɔla-wa-siyaman ya anu nyɛrɛ sɛninya iko tɔn ya a fɔ nya min.

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Nihɛmaya 8:12

Wo kɔma, mɔgɛ bɛɛ tara a warɛ bɔn la ka anu nyɛrɛ ladiya sewɛ rɔ. Anu hinara donu na bawo kumɛ minnu sɛbɛnɛ tɔn-buku rɔ, anu bara wo kɔrɛ lɔn.

Yobu 29:13

Hali sayɛ ara gbɛrɛn mɔgɛ minnu ma, wonu kɛnɛna n tantola. Kɛɛ-musinu bi n sigi sala ka a tɛgɛ nna wɔli-nyimɛla ko la.

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Hɛnkilimaya-Kumɛnu 22:9

Mɔgɔ-kɔlɛ anubɛ duwɛ le bawo a ye dɔn-fan dila bolo-kolɔnnu ma.

Aiseya 58:10

Wo ni kɔnkɔtoenu de-nyini. Minnu bi nanparan rɔ, wo ni hina wonu na. A ko ni wo ya wonu ma, wo ye pinpi min tɛma, wo si yɛlɛma wo bolo tele la.

Aiseya 58:7

Wo ni kɔnkɔtoenu kɔ dɔn-fan rɔ. Bon sa minnu bolo, wo ni wonu nadon wo kuma. Wo ni kurɛ di fɛrɛyatoenu ma. Wo kana wo ban wo na-kelen-nyɔgɛnu dɛnbɛn-koe ma.

Matiyu 15:30

Nyama-wɛ nara a wara namarɛnu na anubɛ fiyɔnnu anubɛ minnu bi anu tonkanna anubɛ bobenu anubɛ kirayato-gbɛrɛ siyaman ka na anu sa Yisa kɔrɔ. A ya anu dama lakɛndɛya.

Matiyu 22:10

Nba, wɔli-kɛlɛnu tara kila-tangbɛnu tɔ. Anu ya mɔgɛ min bɛɛ yen, anu ya wonu nadɛn, a nyima wo, a yogoma wo, a bɛɛ. Kɔnyɔ-masɔ-ladiya-bɔn fara mɔgɛnu na pim!

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 14:12

Yisa ya a fɔ ladiya-tigi ye ko, “Ni i ye tele-kɔndɔn, ni wo ma, kimanɛ dila mɔgɛnu ma, i ta-nyɔgɔ wo, i na-kelen-nyɔgɔ wo, i kebila-nyɔgɔ wo, i sigi-nyɔgɔ min bananyanɛ wo, i kana wonu fenfen kele. Ni i ya wo ma, anu fanan si ile kele ka ila yili sara.

Luka 14:14

Ni i ya wonu kele, i si duwɛ sɔrɔn bawo wonu ti ke a yili sarala i la. Mɔgɔ-telennɛnu nawuli tumɛ ka bɔ sayɛ rɔ, Alla si i sara wulɔn-tele.”

Luka 14:21

“Wɔli-kɛlɛ wo sɛgira ka a dantɛgɛ ala kun-tigi ye. Bon-tigi wo diminyara ka a fɔ ala wɔli-kɛlɛ ye ko, ‘I tiriya ka ta kila-wɛnu anubɛ kila-nɛnu fɛ ka na bolo-kolɔnnu na anubɛ tonkannɛnu anubɛ fiyɔnnu anubɛ namarɛnu.’

Kɛwɔlɛnu 9:39

Woletɔ Pita wulita ka sɛgi anu fɛ. A kera tumɛ min, anu tara a la furi sanɛ kan min san-bɔn wo la. Kɛɛ-musi bɛɛ ya anu nadɛn Pita dafɛ. Anu bi Dɔrɔkasi dila kosɛbɛ! Ale Dɔrɔkasi ya duruku-kɔrɔ-donyɛ anubɛ duruku-wɛ minnu nadan a kɛndɛ tumɛ min, anu ya wo siyaman yira Pita la.

Tɔn-Fɔɛ-Fila-Nyɔgɛ 14:29

Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 16:14

Wo si wo nyɛrɛ ladiya, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu

1 Timoti 3:2

Fɛɛ-wo-fɛɛ kana taran chɔchi-mɔgɔ-ba la. A ni a telen ala musi ye. A ni ma sɛbɛna-mɔgɛ la koe bɛɛ rɔ. A ni ma nyɛrɛ-mara-mɔgɛ la anubɛ ala ko-ladan-nya ni telen. A ni sundannu tabira a kin na! A ni kusanya mɔgɛnu karanna.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Taita 1:8

A ni ma sundan-rabiralɛ la, ado ko-nyima-kɛ ni diya a ye. A ni ma nyɛrɛ-mara-mɔgɛ la anubɛ mɔgɔ-latelennɛ. Mɔgɛnu ni a taran, a sɛninyanɛ, a kolonɛ buda!

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.