Luka 13:35 - ALLALA KUMƐ

³⁵ Nba, Alla-Bato-Bɔn rakolonyanɛ si to feu! N bi kɛ fɔla i ye. I wa a fɔ tumɛ min ko, ‘Min bi nala Mari tɔgɛ rɔ, Allata duwɛ si to wo fɛ.’ Nba, wo si n yen wati wo le tɔ.”

Luka 13:35 ပူးပေါင်းရင်းမြစ်များ

Yaburi 118:26

Min bi nala Marita sɛnbɛ rɔ, alamɛ wo ya Allata duwɛ sɔrɔn. Ma si baraka bira a ye Mari Bato-Bɔn la.

Yaburi 69:25

Alamɛ anuna dagɛ rakolonyara filili! I ni a ma, mɔgɔ-wo-mɔgɔ kana to a niyi la anuna fani-bɔnnu na.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Yɛrɛmaya 22:5

Kɔnɔ a ko ni wo ma ala kumɛ bira, Mari ya a keli ko wola bolɔn kɛ si ma sundu-kunyɛ la. Ale Mari kan le kɛ la.

Yɛrɛmaya 35:17

Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Sakaraya 14:2

Mari ko a si sibole bɛɛ kundɛn kan-tina-kelen ka Yerusalɛm kɛlɛ. Anu si wola soe bi wo bolo ka wola bɔnnu nakolonya ka digin wola musinu ma. Kɛlɛ si ta nyama tɔnkɔn la. A toenu si to wola so-tinyanɛ burɔ nyɔ.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Yɔni 12:13

anu ya tin-yanbɛnu bi ka ta a labɛn tinɛ. Anu bi a fɔla kan-ba la ko, “I ni sɛnɛ! Min bi nala Mari tɔgɛ rɔ, Allata duwɛ ni to wo kuma! Allala duwɛ ni to Isirɛla mansɛ fɛ!”