Luka 13:27 - ALLALA KUMƐ

²⁷ Kɔnɔ a si a fɔ fanan tun ko, ‘N ma wo bɔ tinɛ lɔn. Wo bɔ n fɛ, wole ko-yogoma-kɛlɛnu!’

Luka 13:27 ပူးပေါင်းရင်းမြစ်များ

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 101:8

Karagbɛlɛ minnu bi nyamanɛ kɛ rɔ, n si to wonu bara-koe kala-a-la tele-wo-tele alako karagbɛlɛyɛ ni ban Marita soe burɔ.

Yaburi 119:115

Wole ko-yogoma-kɛlɛnu, wo ni wo masɛgi n na. Ndeta Alla ye min fɔla n ye, n bi wo le birala.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 28:3

I kana i ban n na ka mabɛ karagbɛlɛnu to da kelen tɔ. Mɔgɛ le wonu na, anu da radi kɔnɔ gboyanayɛ ye anu yisi rɔ.

Yaburi 5:6

I si foninya-fɔlɛ bɛɛ halaki terr! Mɔgɔ-fagalɛ anubɛ yanfantenu sɔgɔ labɔnɛ ile Mari la lass!

Yaburi 6:8

Wole ko-yogoma-kɛlɛnu, wo ni wo bɔ n fɛ bawo Mari ara n di-kɛ-kan lamɔɛn.

Hoseya 9:12

ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Matiyu 25:12

“Kɔnɔ kɔnyɔ-tigi ya anu yabi ko, ‘Nde ma wo lɔn mumɛ!’ ”

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Luka 13:25

Bon-tigi wa a lasɔ ka dɛ rasɔgɔ, wo sɔnɛ si to kɔma dɛ matugula ka a fɔ ko, ‘N fa, dɛ laka ma ye!’ Kɔnɔ a si wo yabi ko, ‘N ma wole lɔn. N ma wo bɔ tinɛ lɔn!’

1 Kɔrɛnti 8:3

Kɔnɔ Alla keninɛ minnu bolo, a ya wonu lɔn.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”