Luka 12:45 - ALLALA KUMƐ

⁴⁵ Kɔnɔ ni wɔli-kɛlɛ ya a fɔ a nyɛrɛ ma ko, ‘N tigi sa nala fɔlɔn,’ wo kɔma, a ni wuli wɔli-kɛla-keimɛ anubɛ a musumɛnu gbesila ka fen dɔn ka a min koikoi ha a hɛnkili ni tinya.

Luka 12:45 ပူးပေါင်းရင်းမြစ်များ

Yobu 24:23

Tumado Alla si sɔn ko anu ni sigi lafɛrɛ rɔ kɔnɔ a kolan bɛnnɛ anu ma tuma-wo-tuma.

Aiseya 65:6

A ko wo ni wo yɛ lata min sɛbɛnɛ a yakɔrɔ. A ti ke a muinna wo ma. A si a tayili sara wo bɛɛ la. A si wo tɔrɔ wo hakɛla ko la.

Yɛrɛmaya 20:2

a ya a ma, anu ya nde, Yɛrɛmaya gbesi ka n sa banban la kantɔ-don-dɛ dafɛ min tɔgɛ Bɛnyamɛ Mari Bato-Bon-kata burɔ.

Isikiyɛli 12:22

“Ile hadama-dan, nfenna mɔgɛnu bi sarandɛ kɛ sala ko, ‘Yanni wati kɛ ni ke, koe kɛ ye mala kɔnɔ anu kuman-kan ti bɔ anuna ko-rayirɛ rɔ’?

Isikiyɛli 34:8

Nde, Mari min bi n niyi la, n bara n keli n nyɛrɛ rɔ ko fɔ anu ni anu tole masɔ le serr! Sogo-feremɛnu bara nna sagɛnu dɔn bawo anu fɛ-birala sa. Nna saga-fɛ-biralɛnu ma anu nyɛrɛ tɔrɔ sagɛnu nyinina lefan! Anu bi anu nyɛrɛ le dɔrɔn fɛ-birala, sagɛnu ma de!

Matiyu 22:6

Kɔnɔ donu fanan ya ala wɔli-kɛlɛnu bira ka anu gbesi ka anu faga.

Luka 12:44

Wo ni wo hɛnkili to kɛ ko! Wɔli-kɛlɛ wo tigi si a sigi a bolo-fan-bɛɛ kun na.

Luka 12:46

Nba, wɔli-kɛlɛ wo tigi si na wulɔn tele le ma, yɔ, ado a hɛnkili sa tele wo ko, a ma a na-wati lɔn mumɛ! A tigi si a ratɛgɛtɛgɛ ka anubɛ lanayabɛlɛnu don kan-tina-kelen.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Yɔni 2:10

A ya a fɔ a ye ko, “Mɔgɛnu duruta nɔnbɔ-gbɔ-yi-diyamɛ le dila mɔgɛnu ma fɔlɔn. Ni anu bara mɛ anu minna, wo kɔma, a si do labɔ min ma ke doi rɔ. Kɔnɔ ile ara nɔnbɔ-gbɔ-yi-diyamɛ wo mara ha a laban!”

Kɛwɔlɛnu 2:18

A ko wo telenu tɔ, a si ata Ni-Sɛnimɛ layigi hali yɔɔnnu kuma, a keima wo, a musuma wo. Anu dama si wɔlɔyiyɛ kɛ.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

2 Kɔrɛnti 11:20

Ni mɔgɛ ya wo bira ka wo ma iko yɔɔn ka wo bolo labira ka wo kensunya ka yoo wo ma ka wo dɛ ratii, wo si wo munyu mɔgɔ-su wo kɔrɔ.

Tɔn-Fɔɛ-Fila-Nyɔgɛ 12:12

Wole anubɛ wola dannu anubɛ wola wɔli-kɛlɛnu anubɛ Lifayi bɔnsɔn-mɔgɛ minnu siginɛ wo tɛma, wo si ta wo ladɛn ka sewa wo nyɔgɔn fɛ Marita kan-tina-yabɔnɛ wo rɔ. Wo si wo miri Lifayi bɔnsɔn-mɔgɛnu ma bawo anu ti nyamanɛ wo fenfen sɔrɔn anu nyɛrɛ ma.

1 Tɛsalonaika 5:7

Kinɔgɔlɛnu si kinɔgɔ suyi le tɔ. Gbɛɛtoenu fanan si gbɛɛ min suyi le tɔ.

2 Pita 2:13

Anu bara mɔgɛnu tɔrɔ min kɛ, anu si na tɔrɔyɛ wo sarɛ sɔrɔn. Min si anu fɛrɛ-bɔnku-nata wasa hali tele rɔ, anu diyana-koe le wonu na. Anu ba kofu wo ma fen dɔn tinɛ tuma-wo-tuma, anu si na miliyɛ anubɛ lafɛyɛ la anu bolo. Anu bi sewala anuna kisimiriya-koenu tɔ tolon!

2 Pita 2:19

Anu bi lanyiri kirila wonu ye hɔrɔyɛla ko la kɔnɔ anu nyɛrɛ ye yɔɔnyɛ rɔ halakiyi bolo, ado fenfen si mɔgɔ nɔ, wola yɔɔn le ile la.

Lankɛnimayɛ 16:6

Anu bara ila mɔgɛnu anubɛ nɛbinu yele labɔ. Woletɔ i wara yele di anu ma ka a min. A bɛnta anu ni min sɔrɔn, anu bara ban wo sɔrɔnna feu!”

Lankɛnimayɛ 18:24

Babilɔn tɔrɔta bawo nɛbinu yele anubɛ Allata mɔgɛnu yele taranta soe wo burɔ. Ɔnde, min bɛɛ fagara dugu-kole kuma, wonu yele taranta soe wo burɔ.