Luka 12:41 - ALLALA KUMƐ

⁴¹ Pita ko, “Mari, i ye tili kɛ fɔla male ye, ka, i ye a fɔla mɔgɛ bɛɛ le ye?”

Luka 12:41 ပူးပေါင်းရင်းမြစ်များ

Maraka 13:37

Nba, n bi min fɔla wo ye, n bi wo le fɔla bɛɛ ye. Wo yɛ-lakalannɛ ni to tolon!”

Maraka 14:37

Wo kɔma, a sɛgira ka ala karan-dan wonu taran kinɔgɛ rɔ. A ya a fɔ Pita ye ko, “Saimon, i ye kinɔgɛ le tɔ, wa? I ma ke i sigila n fɛ hawa kelen kɔrɔ?”

Luka 12:47

“Wɔli-kɛlɛ min ya a tigi diyana-koe lɔn bɛrɛkɛ, ado a ma a nyɛrɛ rabɛn ka wo ma, wo si gbeseli-belebele sɔrɔn.

Luka 12:48

Kɔnɔ wɔli-kɛlɛ min ma a tigi diyana-koe lɔn, ni wo ya koe do ma, a si gbeseli sɔrɔn minna ko la, a ti gbeseli siyaman sɔrɔn. Fen siyamɛ dinɛ minnu ma, fen siyaman ma si kele wonu bolo. Fen-siyaman-wɛ dinɛ minnu ma, a siyaman-wɛ ma si kele wonu bolo.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.