Luka 12:37 - ALLALA KUMƐ

³⁷ Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye.

Luka 12:37 ပူးပေါင်းရင်းမြစ်များ

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Yɛrɛmaya 32:41

A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Matiyu 24:42

“Wo rabɛnnɛ ni to bawo wo ma nde, Mari na-tele lɔn.

Luka 12:36

iko wɔli-kɛlɛ minnu bi anu tigi makɔnɔna ka bɔ kɔnyɔ-masɔ-ladiyɛ rɔ. A wa na tumɛ min ka bonda-dɛ matugu, anu si a laka a ye tiriya!

Luka 12:43

Bon-tigi wa sɛgi a warɛ tumɛ min, ni a ya ala wɔli-kɛlɛ taran wɔlila, a si sewa wɔli-kɛlɛ wo la.

Luka 17:8

I si a fɔ a ye ko, ‘Ta, nta kima rabɛn fɔlɔn ka wo sigi n kɔrɔ. Wo kɔma, a ni na to a dɔnna.’

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 22:27

Min siginɛ a ye fen-dɔn la anubɛ min bi wɔli-kɛla-fen dɔnnɛ wo ye, anu filɛ tɛma, mɔgɔ-ba ye yon na? Min siginɛ, mɔgɔ-ba ye wo le la. Kɔnɔ nde ye wo tɛma iko wɔli-kɛlɛ.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

Filipai 1:21

N bi n niyi la nfenna? Nde yala, Kirasiti le wo kɔrɛ la! Nba, sayɛ le si ma tɔnɛ la worɔ nde yala.

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.

2 Pita 3:14

Woletɔ n diyana-mɔgɛnu, wo tenbi tele wo makɔnɔna, wo ni wo se-koe-bɛɛ kɛ ka ma mɔgɔ-sɛnimɛnu na Alla yala ka to yisi-kimɛ rɔ a fɛ dɛɛ!

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”