Luka 12:35 - ALLALA KUMƐ

³⁵ “Koe minnu bi nala mala, wo ni wo rabɛn wo bɛɛla ko la. Wo ni wo mabɛn! Wola lɛnpunu-malannɛ ni to

Luka 12:35 ပူးပေါင်းရင်းမြစ်များ

1 Mansɛnu 18:46

Marita Sɛnbɛ yigira Nɛbi Ilaya kuma. A ya ala duruku-ba-wɛ mayɛlɛ ka a bu takiri wo la. A tara a burila Mansa Ehabula kirindi yarɔ ha anu kera Yɛsɛreli soe burɔ.

Hɛnkilimaya-Kumɛnu 31:17

Sɛbɛna-mɔgɛ le ale la. A si a sɛbɛ don a halala-wɔlɛ ma, ado a ragbɛlɛ fanan.

Aiseya 11:5

A si ala mɔgɛnu mara lanayɛ anubɛ telenbagayɛ la.

Aiseya 5:27

Anu fenfen sa bandanna tagama la. Anu fenfen sa tonko-tankanna. Anu sa kinɔgɔla hali ka yunkun. Bɛɛla kurusi kirinɛ gben! Mɔgɔ-wo-mɔgɔla sanbara-yili tɛgɛni ma.

Matiyu 25:1

“Koe kɛnu ba ma tumɛ min, Alla min bi Arinyɛni tɔ, ata mansayɛ si ma iko sunkurun tan minnu ya anuna lɛnpunu bi ka ta kɔnyɔ-tigi labɛn kilɛ la.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 12:36

iko wɔli-kɛlɛ minnu bi anu tigi makɔnɔna ka bɔ kɔnyɔ-masɔ-ladiyɛ rɔ. A wa na tumɛ min ka bonda-dɛ matugu, anu si a laka a ye tiriya!

Ɛfɛsa 6:14

Wo ni wo rabɛn ka wo sɔ yiri! Wo ni wo buta kiri tonyɛ la. Wo ni telenbagayɛ ma wo kɔgɔ-matanka-fan la.

Filipai 2:15

Wo ni ma Allala den-sɛninyanɛnu na minnu telennɛ, ado fɛɛ-wo-fɛɛ sa wole la. Hali wo siginɛ duninya-mɔgɔ-radunɛnu anubɛ mɔgɔ-yogomɛnu tɛma, wo tenbi anu makawandila nimaya-kumɛ la, wole ni malan iko lolenu. Ni wo ya wo ma, Kirasiti wa na lunyɛ min, n si n nyɛrɛ-matɔgɔ-kunya sɔrɔn wola ko la worɔ, ado a si gbɛ bɛɛ yala ko nta wɔlɛ ma kɛ fu!

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!