Luka 12:19 - ALLALA KUMƐ

¹⁹ Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’

Luka 12:19 ပူးပေါင်းရင်းမြစ်များ

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yaburi 49:18

Hali mɔgɔ wara-koe ara a nyɛrɛ hɛnɛ, ado mɔgɛnu bi a matɔgɔla bawo a ara bɔ ko ma,

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 10:2

Mɔgɔ ye nɔnfuli minnu sɔrɔnna kensunyɛ rɔ, wo ti a munanfaga kɔnɔ ko-latelennɛ si mɔgɛ matanka siyi-matɛn ma.

Hɛnkilimaya-Kumɛnu 14:24

Hɛnkilimɛ makiri-fan le ala nɔnfuli la kɔnɔ kun-takolɔn si lɔn ata kuntanyɛ fɛ.

Hɛnkilimaya-Kumɛnu 18:11

Nɔnfulu-tigi ya ala nɔnfuli le lɔn ala kisilɛ la. A ya a lɔn ko tarɛ le ala fen-tigiyɛ wo la, mɔgɛ ti ke tenbila min na.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Hɛnkilimaya-Kumɛnu 27:1

Mɔgɔ kana i diya sinanna ko la bawo i ma a lɔn min bi nala mala sina.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 2:24

Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 5:11

Gbalo ye wo ma bawo wo ye surula wo yɛ lafinna gbɛɛ la, ado wo ye kila baan minna kɔlikɔli!

Aiseya 5:8

Gbalo ye wo ma bawo wo ye wola wɔli-kɛ-tinɛnu anubɛ wola bɔnnu makofula. A ti mɛ tun dugi ti taran mɔgɔ-gbɛrɛkɛ ye yan, fɔ wo kelen pe min bi tola nyamanɛ kɛ rɔ.

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Hoseya 12:8

Wo ye a fɔla ko, ‘Ma ara ma nɔnfulu-tiginu na, ado mɔgɔ-den-kelen ti ke a fɔla ma ma ko ma ara kɛ sɔrɔn kensunyɛ le tɔ.’

Emɔsi 6:13

Wo ye wo nyɛrɛ matɔgɔla ko wo ara Lodiba soe wo bira. Wo ye wasila a la ko wo ragbɛlɛ bawo wo ara Kanam soe bi.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Luka 12:18

A ya a fɔ a nyɛrɛ ye ko, ‘N si min ma, wo le kɛ la. N si nna fen-namara-bɔnnu wayan ka a kinama-wɛnu sɔ. N si nna fui-fan anubɛ nna bolo-fen-toe bɛɛ mara nyɔ rɔ.

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

1 Kɔrɛnti 15:32

Ni n ya mɔgɛnu kɛlɛ Ɛfɛsa soe burɔ minnu manɛ iko “firarɔ-sogenu,” wo si nfen nyinya n ma? Ni Alla ti furinu nawuli, iko anu bi a fɔla nya min, “A fisa, ma ni fen-dɔn kɛ ka ma min ka ma nyɛrɛ ladiya bawo ma ye nala fagala le sina.”

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

1 Timoti 5:6

Kɔnɔ kɛɛ-musi min bi tola a nyɛrɛ diyana-koenu kɛla, hali a ye a kɛndɛ la, a faganɛ le. A tɔnɔ sa a la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

2 Timoti 3:4

Anu si ma mɔgɔ-bolo-labiralɛnu na anubɛ tengberannu. Anu wasinɛ ha ka a dan natenbi. Anu nyɛrɛ-diyana-koe di anu ye ka tenbi Alla wara-koe la.

Yemesi 5:5

Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

1 Samuwɛli 30:16

A ya anu tina yira Dawuda la. Dawudanu ya a taran, anu tanyɛnsɛnnɛ anuna dagɛ rɔ. Anu bi gbɛɛ-minyɛ anubɛ fen dɔn kun na sewɛ rɔ ka a tɛgɛ fen-kolomɛ wonuna ko ma anu ya minnu bira Filisitinu anubɛ Yuda nyamanɛ rɔ.