Luka 12:15 - ALLALA KUMƐ

¹⁵ Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 12:15 ပူးပေါင်းရင်းမြစ်များ

1 Mansɛnu 2:40

Wo le ya a ma, Simayi ya ala sofɛlɛ bi ka ta ala yɔɔnnu nyini tinɛ Mansa Akisi wara Kati soe burɔ. A ya anu yen tumɛ min, a ya anu bi ka sɛgi anu na a warɛ.

Yobu 2:4

Setanɛ ya a fɔ Mari ye ko, “Ko kɛ fu sa. Mɔgɛ si a bolo-fan bɛɛ di i ma a niyila ko la

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Yaburi 37:16

Fen-dɔgɔmanɛ min bi mɔgɔ-nyimɛnu bolo, wo fisa karagbɛlɛnuta fen-belebele-wɛ ko

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 15:16

Yanni i ni ma nɔnfulu-tigi la, i yakɔrɔ-mamɔnɛ, a fisa worɔ, i ni fen-ni sɔrɔn, i kilannɛ Mari la.

Hɛnkilimaya-Kumɛnu 16:16

Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.

Hɛnkilimaya-Kumɛnu 28:16

Kun-takolɔn wa kun-tigiyɛ sɔrɔn, a si wunduyogoyɛ sigi mɔgɛnu ma. Kɔnɔ ni mɔgɛ ya a kan-kɔ sɔ kensunya-fannu na, a si simayɛ sɔrɔn.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.

Luka 12:16

Wo kɔma, Yisa ya tili kɛ tɛgɛ anu ye ko, “Dugu-lamonɛ taranta nɔnfulu-tigi do bolo minna ki-fannu sabatinɛ bɛrɛkɛ!

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Luka 8:14

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya hɔn-koe anubɛ nɔnfulu-keni anubɛ duninya diyana-ko-su bɛɛ ya a ma, kumɛ wo fagara a yisi rɔ feu! Ko ti bɔ ala dɛnkɛninyɛ rɔ hali!

1 Kɔrɛnti 6:10

kankannu wo, wasabɛlɛnu wo, baan-minnɛnu wo, nafiginu wo, minnu bi buila mɔgɛnu ma wo, wonu fenfen ti Allala mansayɛ sɔrɔn,

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

2 Timoti 3:2

Mɔgɛnu si to hɔnna anu nyɛrɛ la alako ka fan bɛɛ ladɛn anu nyɛrɛ ye. Anu si ma nyɛrɛ-matɔgɔlɛnu na ha ka anu yɛ layigi a mɔgɔ-toenu ma. Anu si ma mɔgɔ-lafɛyalɛnu na ka anu sɔrɔnnɛnuna kumɛ tinya. Anu si ma fisiri-fasarɛnu na anubɛ dina-birabɛlɛnu.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!