Luka 11:40 - ALLALA KUMƐ

⁴⁰ Wole kun-takolɔnnu! Alla min ya a kɔmɛ ladan, ale le ma a burɛ fanan nadan?

Luka 11:40 ပူးပေါင်းရင်းမြစ်များ

Ko-Dabirɛnu 1:26

Wo kɔma Alla ko, “Ma ni mɔgɔni-gbuyi dan ma nyɛrɛta muninyɛ rɔ minnu si ma iko male. Woletɔ anu si mansayɛ kɛ duninya rɔ anubɛ nima-fan min bɛɛsi ye duninya rɔ, a yɛgɛ wo, a kona wo, a bintɔ-sogo wo, a so-tɛma-sogo wo.”

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 33:15

A ya mɔgɛ bɛɛ hɛnkili ladan. Anu bi koe min bɛɛ mala, a ye wo bɛɛ kalama.

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 8:5

Ni denniya-koe le i bolo ma, i fara wonu na. I ni don kinaya-ko-ladan rɔ. Ni i ye yuwaya-ko-ladan le la, i fara wo la. I ni don hɛnkilimaya-ko-ladan rɔ.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Matiyu 23:17

Wole fiyɔn kuntannu! Nyamintan tenbira a ta-nyɔgɛ la, sɛnɛ, ka, Alla-Bato-Bɔn min bi sɛnɛ wo sɛninyala?

Matiyu 23:26

Wole Farisi fiyɔnnu! Wo ni yi-lafɛ-burɛ sɛninya fɔlɔn. Ni wo ya wo ma, a kɔmɛ fanan si sɛninya worɔ!

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Luka 24:25

Yisa ya a fɔ kei filɛ wonu ye ko, “Wole ko-nya-yenbɛlɛnu? Nɛbinu ya min bɛɛ fɔ, wo ti la wonu na yona!

1 Kɔrɛnti 15:36

Bɛɛ ya wo lɔn! I wa sugi ki dugi rɔ tumɛ min, a ti fɛrɛn ni a ma ma iko a ara faga.

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.