Luka 11:29 - ALLALA KUMƐ

²⁹ Nyama ya Yisa lafoo tumɛ min, a ya a fɔ anu ye ko, “Bi-mɔgɛnu yogo kati! Wo ye kabana-koe nyinina tamasereyɛ la kɔnɔ wo ti kabana-ko-gbɛrɛ yen fɔ Nɛbi Yonata tamasere.

Luka 11:29 ပူးပေါင်းရင်းမြစ်များ

Isikiyɛli 24:24

A ko wo si a ma iko nde fanan bara a ma nya min kɛ la. Kɛ si ma tamasere la wo ye. A ko kɛ dama wa ma wati min, wo si a lɔn worɔ ko wo Tigi Mari le ale la.”

Yona 1:1

Lunyɛ do, Mari kumara Amitayila den Nɛbi Yona ye ko,

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Luka 11:16

Donu bi a fɛ ka Yisa kɔrɔbɔ, woletɔ anu ya a fɔ a ye ko a ni kabana-koe do kɛ min si a yira ko Alla le ya sɛnbɛ kɛ di a ma.

Luka 11:50

Woletɔ ka a dabira duninya-dan-tumɛ, nɛbi minnu bara faga, wole bi-mɔgɛnu si tɔrɔyɛ sɔrɔn nɛbi-kɔrɔmɛ wo bɛɛ faga-koe la.

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 9:41

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn! N ni to wo fɛ ha tumɛ nyamintan? N si n munyu wo kɔrɔ ha tumɛ nyamintan?” A ya a fɔ kei wo ye ko, “Na ila dan la yan.”

Yɔni 2:18

Yahudiya mɔgɔ-banu ya a manyinika ko, “I si kabana-ko-tamasere nyuman yira ma la ko yoe ye i bolo kɛ ma tinɛ?”

Yɔni 6:30

Anu ya a manyinika tun ko, “I si nfen kabana-ko-tamasere yira ma la min si a ma, ma ni la i la? I si nfen ma?

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

1 Kɔrɛnti 1:22

Yahudiyanu bi kabana-ko-wɔlɛnu yen tinɛ. Yahudiya ma minnu na, wonu bi mɔgɔya-hɛnkili nyini tinɛ.