Luka 11:24 - ALLALA KUMƐ

²⁴ “Nyina-yogomɛ wa bɔ mɔgɛ fɛ tumɛ min, a si yilan-yilan wulɛ rɔ ka a sulen tinɛ nyini. Ni a ma kan tinɛ do yen, a si a fɔ a nyɛrɛ ye ko, ‘Sɔ wa, n bɔra nna bɔn min na, n ni sɛgi nyɔ tun.’

Luka 11:24 ပူးပေါင်းရင်းမြစ်များ

Yobu 1:7

Mari ya ale Setanɛ manyinika ko, “Ile ye nfen ma tinɛ nun?” Setanɛ ya a fɔ a ye ko, “N bɔnɛ yigi-ni-yɛlɛ kɛla ka n matagama duninya le tɔ nun.”

Yobu 2:2

Mari ya ale Setanɛ manyinika ko, “Ile ye nfen ma tinɛ nun?” Setanɛ ya a fɔ a ye ko, “N bɔnɛ yigi-ni-yɛlɛ kɛla ka n matagama duninya le tɔ nun.”

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Aiseya 35:7

Kɛnkɛn-kalimɛ si ma dalɛ la. Tenkenu si taran nyamani-tagbalanɛ wo kan tinɛ bɛɛ rɔ. Fira-wulinu sigi tinɛ si ma gbofɛ la.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 48:22

Mari ko, yisi-kimɛ sa hakɛ-kɛlɛnu ye.

Maraka 5:10

A tora Yisa madiyala ko a kana anu gben nyamanɛ wo rɔ.

Maraka 9:25

Yisa ya a yen ko nyama ye a gbɛrɛnna anu ma min kɛ, a ya nyina-yogomɛ wo makuma. A ko, “Ile, nyina bobo-tolo-gberan, n bi a fɔla i ye, bɔ dan kɛ fɛ. I kana bila a fɛ tun!”

Luka 11:25

Nba, a si sɛgi ka bon-rakolɔn taran. A sɛninyanɛ. A bɛɛ rabɛnnɛ feu!

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.