Luka 10:29 - ALLALA KUMƐ

²⁹ Kɔnɔ tɔn-karan-mɔgɛ ye nyinina a nyɛrɛ fɛkala. Woletɔ a ya Yisa manyinika ko, “N sigi-nyɔgɛ ye yon na?”

Luka 10:29 ပူးပေါင်းရင်းမြစ်များ

Yobu 32:2

Kɔnɔ mɔgɛ do ye nyɔ nun min tɔgɛ Ɛlihu. A tole masɔnɛ anu na. A ma ke a yisi birala tun bawo a ye a yenna ko Yobu ye a nyɛrɛ latelenna ka a tɛgɛ sigi Alla ma. Rama bɔnsɔn-mɔgɛ do le Ɛlihu kɛ la. A benba tɔgɛ le Busi. A fa tɔgɛ le Barakɛli.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Maraka 8:34

Yisa ya nyama anubɛ ala karan-dannu kele a wara. A ya a fɔ anu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Luka 10:36

Yisa ko, “Ile yala, mɔgɔ sawɛ kɛnu tɔ, bui-ma-kɛlɛnu buira kei min ma, a sigi-nyɔgɔ-bɛrɛ ye yon na?”

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Romu 4:2

Ni ma benba Iburayima telenta Alla yala a nyɛrɛta kɛwɔlɛnu fɛ, nyɛrɛ-matɔgɔ-kunyɛ ye a bolo nun worɔ. Kɔnɔ a ti ke a nyɛrɛ matɔgɔla Alla yala mumɛ!

Kalesiya 3:11

Nba, a ara gbɛ feu, ko mɔgɔ-wo-mɔgɔ ti ke telenna Alla ye tɔn-birɛ fɛ, ado a sɛbɛnɛ Allata kitabu rɔ fanan ko, “Min ba telen Alla ye dɛnkɛninyɛ fɛ, wo tigi si nimayɛ sɔrɔn.”

Yemesi 2:24

Nba, wo ara a yen? Mɔgɛ si telen Alla ye ala kɛwɔlɛnu denu fɛ. A ti telen ala dɛnkɛninyɛ dɔrɔn fɛ.