Luka 10:27 - ALLALA KUMƐ

²⁷ Kei wo ya a yabi ko, “I ni ita Mari Alla keni i yisi bɛɛ la anubɛ i sɔndɔmɛ bɛɛ la anubɛ i sɛnbɛ bɛɛ la anubɛ i hɛnkili bɛɛ la. I ni i sigi-nyɔgɛ keni iko i nyɛrɛ.”

Luka 10:27 ပူးပေါင်းရင်းမြစ်များ

Saraka-Masɔlɛnuta Tɔnnu 19:18

Ni mɔgɛ do ya ko-yogomɛ ma i la, i kana i tayili sara a la. I kana ala ko sigi i burɔ. Kɔnɔ yanni mɔgɛ ni wo sufa ma, a ni a ta-nyɔgɛ keni iko a nyɛrɛ. Nde, wota Mari Alla ya kɛ le fɔ wo ye.

Matiyu 19:19

I ni i na anubɛ i fa gbiliya. I ni i sigi-nyɔgɛ keni iko i nyɛrɛ.”

Luka 10:26

Yisa ya a yabi ko, “Min sɛbɛnɛ Allata kitabu rɔ, i ya wo nya-yen kama?”

Romu 13:9

A sɛbɛnɛ Nɛbi Musala tɔn-kitabu rɔ ko, “Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana wo niyi sa mɔgɔna-fan kuma.” Tɔn kɛ bɛɛsi anubɛ doinu, wonu bɛɛsi ye tɔn kelen pe kɔrɔ min ya a fɔ ko, “Wo ni wo ta-nyɔgɔn keni iko wo nyɛrɛ.”

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Tɔn-Fɔɛ-Fila-Nyɔgɛ 6:4

“Wole Isirɛla mɔgɛnu, wo ni kɛ lamara wo sɔndɔmɛ rɔ gben, ka a lɔn ko Mari kelen pe kɛ le mata Alla la.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.

Yemesi 2:8

Tɔn-kolomɛ kelen de Allala kitabu rɔ, ni wo ya wo bira, wo ara ko-nyimɛ kɛ worɔ. A ko, “I ni i sigi-nyɔgɛ keni iko i nyɛrɛ.”

1 Yɔni 3:18

N diyana-dannu, ma nyɔgɔn-keni-koe kɛ kana ma kuma-gbansan dɔrɔn na. A ni ma keni-bɛrɛ la min si a nyɛrɛ mayira kɛwɔlɛnu tɔ.