Luka 10:24 - ALLALA KUMƐ

²⁴ ado n bi tonyɛ fɔla wo ye, wo ye min yenna, a sɔgɛ ye nɛbi siyaman anubɛ mansa siyaman na nun ka wo rayen kɔnɔ anu ma fɛrɛ sɔrɔn ka wonu tayen. Wo ara min namɔɛn, anu bi a fɛ ka wo lamɔɛn nun kɔnɔ anu denu ma ke wo lamɔɛnna.”

Luka 10:24 ပူးပေါင်းရင်းမြစ်များ

Matiyu 13:16

“Kɔnɔ hɛrɛ ye wole fɛ bɛrɛkɛ! Wo yɛnu bi fan yenna. Wo tolenu bi ko lamɔɛnna.

Luka 10:23

Wo kɔma, Yisa ya a tintan ala karan-dannu na ka a fɔ anu dɔrɔn ye ko, “Mɔgɔ-sewanɛ le wole la ka a bɛn wo ara fan minnu tayen kɛ,

Luka 10:25

Nba, tɔn-karan-mɔgɛ do nara Yisa kɔrɔbɔ tinɛ. A ya a manyinika ko, “Karan-mɔgɔ, n si nfen ma alako n ni habadan-nimayɛ sɔrɔn?”

Yɔni 8:56

Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 11:39

Mɔgɛ wo bɛɛ malɔnnɛ anuna dɛnkɛninyɛla ko la. Hali wo, Alla ya lanyiri kiri anu ye fan minna ko la, anu ma ke wo sɔrɔnna