Luka 1:64 - ALLALA KUMƐ

⁶⁴ Wo wati nyɛrɛ rɔ, Sakaraya nagan lafulenta, a kera kumala tun. A ya Alla tantoe dabira.

Luka 1:64 ပူးပေါင်းရင်းမြစ်များ

Yaburi 51:15

E, n tigi, ni i ya n dɛ fulen, n si i matɔgɔ ka i tanto.

Bɔ-Koe-Iyipiti 4:11

Mari ya a fɔ a ye ko, “Yon ya mɔgɔ dɛ ladan? Yon si mɔgɔ ma bobe la? Yon ya mɔgɔ tole ladan ko a ni ko lamɔɛn? Yon si mɔgɔ tole gbere? Yon ya mɔgɔ yɛ ladan ko a ni fen yen anubɛ ka a lafiyonya? Nde, Mari le si wonu ma.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Yɛrɛmaya 1:9

Mari ban kɛ fɔla, a ya a kɔɛn lana ka a tugun n dɛ la. A ya a fɔ n ye ko, “I ma a yen, n bi nna kumɛnu donna i da rɔ.

Isikiyɛli 29:21

“Wo wa ma tumɛ min, n si Isirɛla mɔgɛnu tagbɛlɛya gbon! Ile Isikiyɛli nyɛrɛ si kuma alako bɛɛ ni a lɔn ko Mari le nde la.”

Isikiyɛli 3:27

N ba kuma i ye tun, n si a ma, i ni kuma. Nde, wo Tigi Mari Alla ara kumɛ min fɔ ile ye, i si na wo fɔ anu ye. Donu si anu tole masɔ i la, donu si anu ban ila kumɛ la bawo mɔgɔ-murutiyanɛ le anu na.”

Isikiyɛli 33:22

A nara tele min banda kɛ wurɛ la, n ya a lɔn yati, ko Marita Sɛnbɛ donta n tɔ wulɔn. Kei wo nanɛ wo banda kɛ, Mari ya a ma, n kɛra kumala tun.

Matiyu 9:33

Yisa ya nyinɛ gben nya min wo, kei wo ya kumɛ dabira. Mɔgɛ bɛɛ kawara! Anu ko, “Ma ma kɛ nyɔgɔn kabana-koe yen bɛ Isirɛla nyamanɛ rɔ mumɛ!”

Luka 1:20

Kɔnɔ i ma la nna kumɛ la ko a si bɔ-a-la ala wati-latɛgɛnɛ rɔ serr! Nba i ma la wo la min kɛ, woletɔ i si boboya. N bara kumɛ min bɛɛ fɔ i ye wo la, fɔ wonu ba bɔ-a-la yanni i ni to kumala.”