Luka 1:63 - ALLALA KUMƐ

⁶³ Sakaraya ya kɛdi makele ka a sɛbɛ ko, “A tɔgɛ le Yɔni.” Anu dama kawara!

Luka 1:63 ပူးပေါင်းရင်းမြစ်များ

Hɛnkilimaya-Kumɛnu 3:3

I kana i bɔ keninteyɛ rɔ, wo kɔma, i kana lanayɛ boloka. Wonu ni ma ila kan-na-fan la ka anu sɛbɛ i yisi rɔ.

Aiseya 30:8

Bawo mɔgɛnu sɔn yogo, Alla ko nde, Aiseya ni anu sɔn-yogomɛ wonu sɛbɛ alako wo la ni mara habadan!

Yɛrɛmaya 17:1

Mari ko wole, Yuda mɔgɛnu, wo ara hakɛ minnu kɛ, wonu gbɛni de mɔgɛnu ye. A mani de iko mɔgɛ wa fen sɛbɛ nɛgɛ la farɛ ma. Wo hakɛ mani de iko anu sɛbɛra saraka-mintan-tinɛ bolon nanɛ ma.

Habakuku 2:2

Mari le ya yabilɛ kɛnu fɔ n ye. A ko, “N bi nala ko-rayirɛ min kɛla i ye, i ni wo sɛbɛ walan ma alako ko-mayonnɛ si ke a karanna nya min ka a mayon.

Matiyu 8:10

Yisa ya wo lamɔɛn tumɛ min, a kawara. A ya a fɔ a gba-fɛ-bilalɛnu ye ko, “Wo ni wo hɛnkili to kɛ ko! N ma kɛ-nyɔgɔn-dɛnkɛninyɛ yen mɔgɔ-wo-mɔgɔ bolo Isirɛla mɔgɛnu tɛma.

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:60

Kɔnɔ a na ko, “Ade! A tɔgɔ si sa ko Yɔni.”