Saraka-Masɔlɛnuta Tɔnnu 8:35 - ALLALA KUMƐ

³⁵ Wo ni to siginɛ tenbi-bolon-dɛ la su-ke banda-ka ha tele wɔrɔnfilɛ da si fa. Ni wo ya wo tinya, wo si faga. Wo le kɛ la Mari ya min fɔ n ye ka a gbɛlɛya gben!”

Saraka-Masɔlɛnuta Tɔnnu 8:35 ပူးပေါင်းရင်းမြစ်များ

1 Mansɛnu 2:3

Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

Bɔ-Koe-Iyipiti 29:35

“I ni a ma iko n bara a fɔ Aruna anubɛ ala den-keinu na ko la nya min kɛ la. Anuna dantɛgɛ koe nde, Alla ma, wo si ma tele wɔrɔnfila la.

Isikiyɛli 43:25

Tele wɔrɔnfila dɛgɛdɛgɛ, wo ni saraka-subolo sawɛ kɛnu bɔ n ye. Baa wo, tura wo, saga-yigi wo, wonu bi hakɛ-sarakayɛ le la. Fɛɛ kana taran wonu fenfen na.

Isikiyɛli 48:11

Dugu-sɛnimɛ kɛ ye Sedoki kebilɛ saraka-masɔlɛnu denu ye. Isirɛla mɔgɛ toenu ya ko-yogomɛ ma tumɛ min, anubɛ Lifayi bɔnsɔn toenu, Sedoki kebilɛ kɛ le dɔrɔn ya anu natelen n ye. Anu ma kofu doinu ma wulɔn.

Saraka-Masɔlɛnuta Tɔnnu 10:1

Arunala den-kei filɛ Nedabu anubɛ Abaihu, wonu ya ta-wɔlɔn bi ka a sa anuna ta-kɔ-mirannu tɔ. Anu ya isɛnti-munke bi ka a kɛ ta-wɔlɔn wo kuma miran wonu tɔ. Anu ya wonu bi ka anu di Mari ma kɔnɔ Mari ma sɔn wonu na bawo a ma bɛn, anu ni a ma wo nya na Mari ye.

Saraka-Masɔlɛnuta Tɔnnu 14:8

Kirayato-kɔrɛ wo si ala kurɛnu ku, wo kɔma, a si a fɛrɛ mumɛ masii. Wo kɔma fanan, a si a fɛrɛ-bɔnkɛ fanan ku. Hali wo, a sɛninyanɛ kɔnɔ a toe tonɛ a la. A si ta dagɛ rɔ kɔnɔ a kana don ala fani-bɔn la tele wɔrɔnfila kɔrɔ.

Saraka-Masɔlɛnuta Tɔnnu 8:30

Musa ya tuli do bi anubɛ yele min bi saraka-mintan-tinɛ kɔrɔ ka wo pusen Aruna anubɛ ala den-keminɛnu ma anubɛ anuna saraka-masɔ-kurɛ minnu bi anu kan na. Kɛ le ya a ma, anubɛ anuna kurɛnu dantɛgɛra Mari ma.

Saraka-Masɔlɛnuta Tɔnnu 8:34

Ma ya min bɛɛsi ma bi, Mari le ya ma sɔ ka wonu ma alako wola hakɛnu yama ni togon.

Saraka-Masɔlɛnuta Tɔnnu 8:36

Aruna anubɛ ala den-keminɛnu ya a ma iko Mari ya a fɔ Musa ye nya min.

Yilan-Yilan Koe 19:12

A si yi wo sosa mɔgɛ wo ma a tele sawa nyɔgɛ anubɛ a tele wɔrɔnfila nyɔgɛ ma. Kɔnɔ ni a ma sɔn ka yi wo kɛ a ma a tele sawa nyɔgɛ anubɛ a tele wɔrɔnfila nyɔgɛ ma, a ti sɛninya wo rɔ iko tɔn ya a fɔ nya min.

Yilan-Yilan Koe 3:7

Anu ni wɔlɛ kɛ nta bɔn la ka wɔlɛ bɛɛ kɛ Aruna anubɛ Isirɛla mɔgɛ bɛɛ ye ka nyɔ wɔli-kɛ-mirannu fɛ-bira. Lifayinuna wɔli ma fenfen na fɔ ka wɔli Aruna anubɛ ala dannu kɔrɔ.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 5:21

N bi kɛ fɔla i ye Alla anubɛ Yisa Kirasiti anubɛ melika-sɛnimɛnu yala ko i ni kawandili kɛnu bira. I kana mɔgɛ do latenbi mɔgɛ do la. I ni ko-latelennɛ kɛ mɔgɛnu tɛma koe bɛɛ rɔ.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!