Saraka-Masɔlɛnuta Tɔnnu 7:35 - ALLALA KUMƐ

³⁵ “A mara Aruna anubɛ ala den-keminɛnu na wo nya na le wo tumɛ anu bi anu dantɛgɛla Mari ma ka saraka-masɔ-wɔlɛ kɛ.

Saraka-Masɔlɛnuta Tɔnnu 7:35 ပူးပေါင်းရင်းမြစ်များ

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 29:1

“I wa wuli Aruna anubɛ ala dannu dantɛgɛla nde, Alla ma saraka-masɔ-wɔlɛla ko la tumɛ min, i si na sarakɛ kɛnu na, tura-bulan kelen anubɛ saga-yigi fila, fɛɛ sa minnu na.

Bɔ-Koe-Iyipiti 29:21

Yele min bi saraka-mintan-tinɛ tɔgɔfɛ, i ni wo do bi ka wo basan tulu-sɛnimɛ do la ka a purupuru Aruna anubɛ ala makiri-mirannu ma. I ni wo do purupuru ala den-keinu anubɛ anuna makiri-mirannu ma. Wo le si a ma, Aruna anubɛ ala den-keinu anubɛ anuna makiri-mirannu si sɛninya nde, Mari yala.

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Aiseya 10:27

Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Saraka-Masɔlɛnuta Tɔnnu 8:30

Musa ya tuli do bi anubɛ yele min bi saraka-mintan-tinɛ kɔrɔ ka wo pusen Aruna anubɛ ala den-keminɛnu ma anubɛ anuna saraka-masɔ-kurɛ minnu bi anu kan na. Kɛ le ya a ma, anubɛ anuna kurɛnu dantɛgɛra Mari ma.

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

2 Kɔrɛnti 1:21

Wo ni wo yili to kɛ ko. Alla nyɛrɛ ara malebɛ wole sɔ Kirasiti rɔ gben! Alla nyɛrɛ le ya ma ma ata mɔgɔ yabɔnɛnu na.

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.