Saraka-Masɔlɛnuta Tɔnnu 7:18 - ALLALA KUMƐ

¹⁸ Ni anu ya a soge wo do dɔn a tele sawa nyɔgɛ, Alla ti sɔn kei wota sarakɛ la worɔ tun. Saraka-bɔlɛ ti tɔnɔ mumɛ sɔrɔn wo rɔ tun, ado sarakɛ wo sɛninyani ma tun iko tɔn ya a fɔ nya min. Ni mɔgɔ-wo-mɔgɔ ya a dɔn, wo tigi si a hakɛ sɔrɔn.

Saraka-Masɔlɛnuta Tɔnnu 7:18 ပူးပေါင်းရင်းမြစ်များ

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Yɛrɛmaya 14:10

Mari ya kɛ le fɔ wole, Yuda mɔgɛnuna ko la. A ko ka to wo masɛgila ale Mari la, wo di min ye kati! Fan min si wo masɛgi a la, wo ye wonu da kun tɔ. A ko ale Mari ti sɔn wole la. Wo ye ko-yogomɛ min da kun tɔ, a ya wonu lɔn. A ko wo si tɔrɔ wo hakɛla ko la.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Saraka-Masɔlɛnuta Tɔnnu 10:17

Musa ya anu manyinika ko, “Nfen ya a to, wo ma saraka-soge kɛ dɔn? A bɛnta, wo ni a dɔn kan-tina-sɛnimɛ kɛ rɔ nun. Fen-sɛninyanɛ le kɛ la. Mari ya kɛ di wo ma mɔgɛnuna hakɛ-yamatogon-koe la.

Saraka-Masɔlɛnuta Tɔnnu 10:19

Aruna ya a fɔ a dɔgɛ Musa ye ko, “Mɔgɛnu nara anuna hakɛ-sarakɛ anubɛ saraka-mintantɛnu na Mari ye bi. Kɔnɔ hali wo, tɔrɔyɛ kɛ nyɔgɔn sufa ya n sɔrɔn. Nna dannu fagara bi. Ni n ya baa-sarakɛ kɛ dɔn nun bi, wo si a ma, Mari ni nyagalen n na, wa?”

Saraka-Masɔlɛnuta Tɔnnu 11:41

“Wo kana fen-makisimiriyanɛ kɛnu dɔn min bi a saganna a bu-gbole ma anubɛ min bi tala anu kin nanɛ la anubɛ min kin-siyaman bi a kɔrɔ.

Saraka-Masɔlɛnuta Tɔnnu 17:16

Ni a ma a ku a kilɛ fɛ, a si a hakɛ-tɔrɔyɛ sɔrɔn.

Saraka-Masɔlɛnuta Tɔnnu 19:5

“Wo tenbi yisi-kima-sarakɛ bɔla, wo si a tɔnnu bira iko n ya a fɔ wo ye nya min nun. Ni wo ya a bɔ a kilɛ fɛ, n si sarakɛ wo bira.

Saraka-Masɔlɛnuta Tɔnnu 20:17

Ni kei do ya a sa dunmusi donubɛ a na fɛ, kisimiriya-koe le wo la. Wo si mɔgɔ sawɛ wonu nakɛ tɛ rɔ ka anu mintan gburr! Mari ti sɔn wo ko sufanu ma.

Saraka-Masɔlɛnuta Tɔnnu 20:19

Ni musi ya soge bira ko wo ni a sa a fɛ, Mari ko wo ni musi ani fila soge wo faga. Anu tɔgɛ si to anu nyɛrɛ la.”

Saraka-Masɔlɛnuta Tɔnnu 22:16

Mɔgɛ wo ara nanparan sɔrɔn saraka-masɔlɛ wo bolo bawo a ya min dɔn fɔ a wa wo nyɔgɔ sara ka do sa a kuma. Nde le wota Mari Alla la min ya sarakɛ kɛnu sɛninya wole ye.”

Saraka-Masɔlɛnuta Tɔnnu 22:23

“Ni min bi sarakɛ dila bawo a yisi-sewanɛ ye a burɔ, ni sarakɛ wo gbɛndɛnkɛlan le, wo ma yogo. Mari si sɔn de wo la. Ni a sɔgɛ ye min na, a ni ata lanyiri-kanbali-sarakɛ bɔ, a kana kɛ sufa kolo-fan di Mari ma.

Saraka-Masɔlɛnuta Tɔnnu 22:25

“Kolo-fan min bɔra sibolo-gbɛrɛnu bolo, Mari ko ma kana wonu ma sarakɛ la Mari ye. Fɛɛ ye wonu na bawo anu bara anu tɛgɛn, ado Mari ti sɔn wonu na.

Saraka-Masɔlɛnuta Tɔnnu 5:17

“Ni mɔgɛ do suira ko a ya Mari tanɛ do tinya kɔnɔ a ma a lɔn, wo tigi si yiliki sɔrɔn. A si sarakɛ bɔ a hakɛ wola ko la, yɔ!

Saraka-Masɔlɛnuta Tɔnnu 7:19

“Saraka wo saraka, ni a tugura fan do la min sɛninyani ma iko tɔn ya a fɔ nya min, mɔgɔ-wo-mɔgɔ kana a dɔn. Fɔ ni anu ya a mintan gbɛ! Mɔgɔ-wo-mɔgɔ min sɛninyanɛ, wo si yisi-kima-saraka-soge dɔn de!

Emɔsi 5:22

A ko hali wo nara wola saraka-mintantɛnu anubɛ wola dɔn-fen-sarakɛnu na a ye, a ti sɔn anu na muk! Hali wo nara wola kolo-fen-tɔlɔnɛnu na Mari ye, a ko a bɔrɔ ti taran a ye.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?

Yilan-Yilan Koe 18:27

Wota yaka, wo mani de Mari yala iko mɔgɛ minnu bi wɔlila sɛnɛ rɔ, wonuta yaka manɛ nya min.

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.