Saraka-Masɔlɛnuta Tɔnnu 6:2 - ALLALA KUMƐ

² “Ni mɔgɛ do ya tulumɛ sigi a ta-nyɔgɛ do ma, ni a nara tulumɛ wo kunka tinɛ kɔnɔ wo ma sɔn ka fan wo don a bolo, hakɛ le wo la. Ni mɔgɛ do ya a ta-nyɔgɛ kankan, ni wo ma, ni a ya a kensunya, a ara hakɛ kɛ.

Saraka-Masɔlɛnuta Tɔnnu 6:2 ပူးပေါင်းရင်းမြစ်များ

Ko-Dabirɛnu 26:7

Nyɔ-keinu ba a manyinika ala musila ko la tumɛ min, a si a fɔ anu ye le ko a tirisan-musi le. A ti sisi a fɔla ko ala musi le alako nyɔ-keinu kana a faga Rebɛkala ko la kamasɔrɔn Rebɛka kin.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Hɛnkilimaya-Kumɛnu 24:28

Mɔgɔ kana i ta-nyɔgɛla sereyɛ bɔ, i ma ban min tagbɛla hali ka kumɛ do fɔ ala ko la i ma min tagbɛ.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 24:16

Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Yɛrɛmaya 9:5

Bɛɛ ye foninyɛ fɔla a diyana-mɔgɛ kan ma. Tonya-fɔla fenfen sa anu tɔ. Wole Yuda kɛnu bi wo nagan nadurula foninya-fɔɛ ma. Hakɛ ara wo rafaga kɔlɔbɔ!

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Saraka-Masɔlɛnuta Tɔnnu 1:3

“Ni a ye ninki mala saraka-mintantɛ la Mari ye, fɔ ni a mara turɛ la fɛɛ sa min na. A si na wo kiri Marita Fani-Bɔn tenbi-bolɔn dafɛ, woletɔ Mari si sɔn sarakɛ wo la.

Saraka-Masɔlɛnuta Tɔnnu 19:11

“Wo kana foninyɛ fɔ. Wo kana kankanyɛ anubɛ kensunyɛ kɛ.

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.

Saraka-Masɔlɛnuta Tɔnnu 5:19

Sarakɛ le kɛnu na bawo a ara hakɛ kɛ Mari la.

Saraka-Masɔlɛnuta Tɔnnu 6:1

Musa ya Mari kuman-kan kɛ latenbi ko,

Emɔsi 8:5

Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Kɛwɔlɛnu 5:4

Yanni i ni ila dugi feri, itɛ le nun. I banta a ferila tumɛ min, itɛ le wodi wo la nun. Kɔnɔ nfenna i ya a latɛgɛ i yisi rɔ ka kɛ ko sifa ma? I ma foninyɛ fɔ mɔgɛ ye. I ya foninyɛ fɔ Alla le ye!”

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

Kɔlɔsi 3:9

Wo kana foninyɛ fɔ wo nyɔgɔn ye bawo wo ara mɔgɔya-kɔrɛ boloka anubɛ wo kɛ-nyanu.

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.