Saraka-Masɔlɛnuta Tɔnnu 4:21 - ALLALA KUMƐ

²¹ A si a sogo mumɛ bɛɛsi bi ka ta a la dagɛ kɔma iko komi a ya turɛ wo mintan a nyɛrɛla hakɛla ko la nya min. Hakɛ-sarakɛ le kɛ la Isirɛla mɔgɛ bɛɛsi hakɛla ko la. (3) Kun-Tiginuta Hakɛ-Sarakɛ, Wo Bɔ-Nya

Saraka-Masɔlɛnuta Tɔnnu 4:21 ပူးပေါင်းရင်းမြစ်များ

Ɛsira 8:35

Mɔgɔ-biranɛ min bɛɛ sɛgira, wonu nara saraka-mintantɛnu na Isirɛlata Alla ye. Anu ya tura tan-ni-fila bɔ Isirɛla mɔgɛ bɛɛ ye anubɛ saga-yigi bi-kɔnɔntɔ ani saga-yigi wɔrɔ anubɛ saga-den bi-wɔrɔnfila ani saga-den wɔrɔnfila. Anu ya baa-kɔrɔn tan-ni-fila fanan mintan hakɛ-sarakayɛ la. Anu ya kɛ damasi mintan Mari ye gburr!

Bɔ-Koe-Iyipiti 29:14

I ni turɛ wo soge anubɛ a gbole anubɛ a nuginu bi ka anu mintan dagɛ kɔma.

Isikiyɛli 45:22

Ladɛn wo tele fɔlɛ ma, mansɛ si turɛ ma hakɛ-sarakɛ la anubɛ ala nyamanita-mɔgɛnu ye.

Saraka-Masɔlɛnuta Tɔnnu 16:15

“Isirɛla mɔgɛnu sɛninyani ma bawo anu bi hakɛ kɛla tuma-wo-tuma. Fɔ Aruna ni kan tinɛ kɛ sɛninya bawo Marita Fani-Bɔn ye mɔgɔ-sɛninyabɛlɛ kɛnu tɛma dagɛ rɔ. Aruna wa bɔ luyi ma tumɛ min, a si baa-kɔrɔn doi wo kan natɛgɛ ka wo ma Isirɛla mɔgɛnu hakɛ-sarakɛ la. A si a yele do bi ka ta a la Sɛnima-Sɛnima-Tinɛ rɔ iko tun ka a pusen tɔn-kenkirɛ da-latogɔn ma anubɛ a tɔgɔfɛ iko a ya tura-bulan wotɛ ma nya min. Marita Fani-Bɔn Sɛnima-Sɛnima-Tinɛ sɛninya-bole le kɛ la.

Saraka-Masɔlɛnuta Tɔnnu 16:21

Mɔgɛnu bara wunduyogoya-hakɛ minnu kɛ, anubɛ murutiya-hakɛnu, anubɛ ko-yogo sufa bɛɛ, Aruna si wo bɛɛ latenbi baa wo ma. A si a bolo filɛ sa baa wo kunyɛ kuma. Aruna si a sɔ anu hakɛ la anu bara min ma. Mɔgɔ kelen si bila baa wo fɛ ka a kɛndɛ gben. Baa wo si ta ha wulɛ rɔ.

Saraka-Masɔlɛnuta Tɔnnu 16:27

A ya turɛ anubɛ baa minnu ma anu hakɛ-sarakɛ la nun ka anu yele bi ka ta a la Sɛnima-Sɛnima-Tinɛ, saraka-masɔlɛ do si wo gbolenu bi anubɛ a sogenu anubɛ a nuginu ka ta anu mintan anuna dagɛ kɔma.

Saraka-Masɔlɛnuta Tɔnnu 4:13

“Ni Isirɛla mɔgɛ bɛɛsi lakofunɛ ya Marita tɔn do tinya anu ma min lɔn, anu bi anuna hakɛ-sarakɛ bɔla ka le.

Saraka-Masɔlɛnuta Tɔnnu 4:20

A si turɛ kɛ fanan ma iko komi a ya a nyɛrɛta hakɛ-sarakɛ ma nya min. A si sarakɛ bɔ mɔgɛnuna ko la alako wo ni mɔgɛnu hakɛ yamatogon ka makotolɛ sɔrɔn.

Saraka-Masɔlɛnuta Tɔnnu 6:11

Saraka-masɔlɛ si a mayɛlɛma ka duruki-gbɛrɛkɛ don a kan na. A ni ta-gbangban wo bi ka ta a la ha dagɛ kɔma kan-tina-sɛnimɛ do rɔ min sɛninyanɛ iko tɔn ya a fɔ nya min.

Saraka-Masɔlɛnuta Tɔnnu 6:23

Ni saraka-masɔlɛ ye dɛgɛ-munku-sarakɛ bɔla a nyɛrɛ ye, ale saraka-masɔla ti wo dɔn dee! A bɛɛ si mintan gburr!” (4) Hakɛ-Sarakɛnu

Saraka-Masɔlɛnuta Tɔnnu 8:17

A ya a gbole anubɛ a sogenu anubɛ a nugi bi ka ta wonu na dagɛ kɔma ka anu mintan nyɔ gburr, iko Mari ya a fɔ ale Musa ye nya min nun.

Yilan-Yilan Koe 15:24

kɔnɔ tɔ-a-la, a ni a lɔn, wo kɔma, a si sarakɛ bɔ. Ni Isirɛla mɔgɛ bɛɛsi nyinara, wo kɔma, anu ni a lɔn, anu ni sarakɛ wo bɔ. Wo sarakɛ le kɛnu na anu si minnu bɔ. Anu si tura kelen bɔ anubɛ wo nyɔgɛ dɛgɛ-munke anubɛ wo nyɔgɛ nɔnbɔ-gbɔ-yi iko n bara a fɔ wo ye nya min nun. Wo mintan-sumɛ si diya nde, Mari ye. Anu si baa-kɔrɔn kelen bɔ ka wo ma hakɛ-sarakɛ la.

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Hiburunu 13:11

Yahudiyanuna saraka-masɔla-kun-tigi-wɛ kɛnɛna nala sogo-yele la Sɛnima-Sɛnima-Tinɛ rɔ ka a ma hakɛ-sarakɛ la kɔnɔ sogo-gbuyi wonu mintanta Isirɛla mɔgɛnuna dagɛ kɔma.