Saraka-Masɔlɛnuta Tɔnnu 27:28 - ALLALA KUMƐ

²⁸ “Ni mɔgɛ ya fenfen dantɛgɛ a dan na Mari ma, a mara mɔgɔ la wo, a mara kolo-fen na wo, a mara wɔli kɛ tina la wo, wo si ma Mari halalɛ la habadan!

Saraka-Masɔlɛnuta Tɔnnu 27:28 ပူးပေါင်းရင်းမြစ်များ

2 Ko-Kɔrɔta-Karan 31:14

Anu bi kɔ-fen minnu dila Mari ma, Iminala dan min tɔgɛ Kɔri, wo mara wonu namaralɛ anubɛ a bɔlɛ la. A fa Imina le Bato-Bɔn da-makandannɛnu kun na don-dɛ la min tɔgɛ le ko “Tele-Bɔɛ Don-Dɛ.” Lifayi le anu na.

Bɔ-Koe-Iyipiti 22:20

“Min ba bɛsɛ kɔ nde, Mari Alla kɔma, wo ni wo tigi faga feu!

Isikiyɛli 44:29

Saraka-dɛgɛnu wo, hakɛ-sarakɛnu wo, yiliki-sarakɛnu wo, wonu denu bi mala saraka-masɔlɛnuta beli-fan la. Hali min bɛɛ dantɛgɛnɛ nde, Mari ma Isirɛla nyamanɛ rɔ, anutɛ le wo bɛɛ la.

Isikiyɛli 48:14

Dugi min dantɛgɛnɛ nde, Mari ma, dugi wo tenbira dugi bɛɛ la nyamanɛ wo rɔ. Hali a pɛtɛrɛ-kundini ma ti yira, ado a ma ti felen fanan, ani a ti bɔ n bolo mumɛ! Nyɔ sɛnima, ado nde, Mari halalɛ le.

Saraka-Masɔlɛnuta Tɔnnu 21:22

Kɔnɔ Mari ko mɔgɔ sufa kɛnu si ke le ka yisi-kima-sarakɛ dɔn anubɛ min dantɛgɛnɛ saraka-masɔlɛnu ma.

Saraka-Masɔlɛnuta Tɔnnu 27:21

Hali Mɔgɔ-Halala-Fan-Lasɛgi-San wa ke, a tigi ti dugi wo sɔrɔn tun. Dugi wo si ma Maritɛ la kɔnɔ saraka-masɔlɛnu si to a wɔlila.

Saraka-Masɔlɛnuta Tɔnnu 27:27

Ni kolo-fen-sɛninyabɛlɛ le, Mari ko ma si ke ka wonuna den fɔlɔtɛnu kunka wodi la. Ma si a san iko a dɛ sanɛ ma kɔrɔ nya min. Kɔnɔ ni loli-loli le, ma si kelen-kelen sa a kuma, a ni ta wɔrɔ-wɔrɔ. Kɔnɔ ni a san-sɔgɔ sa kolo-fen-tigi la, saraka-masɔlɛnu si a mayira mɔgɛ do ma iko a mɔlɔn tɛgɛnɛ anu bolo nya min. Wo si loli-loli le dɔrɔn di.

Saraka-Masɔlɛnuta Tɔnnu 27:29

Hali a mara hadama-dan la i wara min dantɛgɛ Mari ma, sɛ sa i ye tun worɔ ka wo kunka, fɔ a faganɛ.

Yilan-Yilan Koe 18:14

Mari ya a fɔ Aruna ye tun ko, “Ni anu ya kɔ-fan fenfen dantɛgɛ nde, Mari ma a dan na, wo si ma woletɛ la iko n ya a fɔ nya min.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 25:19

Wota Mari Alla wa ban wo yogenu kɛlɛla ka wo sigi lanyiri-nyamanɛ rɔ yisi-kimɛ rɔ tumɛ min, wo kana nyina Amalɛkinu kɛlɛ-koe la. Wo ni ta anu kɛlɛ ka anu nato dogbe!”

Tɔn-Fɔɛ-Fila-Nyɔgɛ 7:26

Anuna bɛsɛ wonu sɔgɛ la ni bɔ wo la lass bawo anu bi Marila dankɛ le kɔrɔ. Ni wo ya bɛsɛ kɛ do bi ka na a la wola bɔnnu na, dankɛ min bi anu kuma, wo si wole fanan bira.

Yasowa 6:26

Wo wati rɔ, Yasowa ya tɔn gbɛlɛya mɔgɛnu ye ko, “Mɔgɔ-wo-mɔgɔ wa soe kɛ sɔ a kurɛ la tun, wo tigi si to Marita dankɛ kɔrɔ. Mɔgɛ min ba soe kɛ tarɛ sɔɛ dabira, wo si foo ala den-kei fɔlɔtɛ la. Min ba tarɛ dɛ kɛ ladan, wola den laban si faga.”

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:25

Yasowa ya a fɔ ko, “Nfenna i ya tɔrɔyɛ kɛ lana ma kuma ka? Mari si tɔrɔyɛ lana ile kuma bi!” Isirɛla mɔgɛ bɛɛ ya Ekan anubɛ ala denbayɛ anubɛ a bolo-fan bɛɛ mabon kuri la ha anu fagara. Mari ma diminya tun wola ko la. Anu ya wo bɛɛ mintan tɛ la.

Kɛlɛ-Kurugbɛnu 21:18

Ma ti ke mala dunmusinu dila anu ma bawo ma ara ma nyɛrɛ ladanka. Ma ko ma ti mala dunmusinu di Bɛnyamɛ bɔnsɔn ma.”

Kɛlɛ-Kurugbɛnu 21:5

Anu ya a fɔ ko, “Isirɛla mɔgɔ yon tora min ma kofu ma ma ladɛn rɔ Mari yakɔrɔ Misipa soe burɔ? Ma ma a fɔ wo wati rɔ ko ni mɔgɛ min ma ta ladɛn wo rɔ, ma si wo tigi faga?”

1 Samuwɛli 15:18

ado a ya a fɔ i ye ko i ni Amalɛki karagbɛlɛnu kasara. A ya a fɔ i ye ko i ni anu kɛlɛ furr, ha i ni anu nato dogbe!

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”