Saraka-Masɔlɛnuta Tɔnnu 26:40 - ALLALA KUMƐ

^40-41 “Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Saraka-Masɔlɛnuta Tɔnnu 26:40 ပူးပေါင်းရင်းမြစ်များ

1 Mansɛnu 8:47

Kɔnɔ tɔ-a-la, ni anu ya anu yisi yɛlɛma nyɔ, anu ni tubi worɔ ka a fɔ ko anu bara bila ile Alla la,

1 Mansɛnu 8:48

ni anu ya i matara ka anu ya-lamunun Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi san-kole rɔ, i ni anuna matarali-kan wo lamɔɛn ka kinikini anu ma. Ile Mari ara soe kɛ yabɔ ka nyamanɛ kɛ di ma benbanu ma.

Ɛsira 10:11

Woletɔ wa wo sɔ wola hakɛ la ma benbanuta Mari Alla ye. Wo ni a sakorɔ-koe ma. Wo ni sibolo-gbɛrɛkɛ-musi kɛnu boloka ka fara nyamanita-mɔgɛ kɛnu na feufeu!”

Ɛsira 9:15

I yandi, Isirɛlata Mari Alla, i ti sɔn ko-radunɛ ma kɔnɔ hali wo, i wara ma to ma niyi la. Ma ara ma sɔ a la ko yo sa ma bolo. A ma bɛn ko ma ni ma sɔ i yakɔrɔ lefan!”

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Yɛrɛmaya 14:20

Mari, ma ara ma sɔn a la i ye ko ma wunduyogo ka a dan-natenbi. Ma ara ma sɔn a la ko ma benbanu ma a nyima sigi i ma. Ma ara hakɛ kɛ i la kati!

Nimisa Koe 1:20

“E, Mari, i ma a yen, n niyi ra ara gbɛrɛn n ma. N yisi ara tinya ka a tɛgɛ nta murutiyɛla ko ma. N yogenu ya nna dannu faga luyi ma. Fenfen sa bɔnnu na fanan fɔ sayɛ.

Isikiyɛli 14:23

I ye a lɔnna wo wati le tɔ ko wo ma-kɔrɛ ye n bolo. Nde, wo Tigi Mari kan le kɛ la.”

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Saraka-Masɔlɛnuta Tɔnnu 26:21

“Hali wo, ni wo ma wo kɛ-nya yɛlɛma n bara la, wo ma sɔn ka nna tɔnnu bira mumɛ, n si wota tɔrɔyɛ lagbɛlɛya ka tenbi a fila nyɔgɛ la.

Saraka-Masɔlɛnuta Tɔnnu 26:24

n si ma wo yoge la. N si n yɛ lamunun wo la ka kɛ wo ma taragba ka a lagbɛlɛya wo kuma gben! N si wo tɔrɔya kɛ rɔ ka tenbi a sawa nyɔgɛ la.

Saraka-Masɔlɛnuta Tɔnnu 5:5

“Ni mɔgɛ ara yiliki sufa kɛnu sɔrɔn, fɔ a ni ta a sɔn a nyɛrɛ hakɛ la gbɛ rɔ Mari ye, saraka-masɔlɛ yakɔrɔ. A si na baa-yɛrɛ la a bolo ka wo ma a hakɛ-sarakɛ la, ni wo ma, saga-yɛrɛ. Saraka-masɔlɛ si sarakɛ wo dantɛgɛ Mari ma ka wo ma a hakɛ-yamatogon-fan la. (6) Bolo-Kolɔnta Saraka-Bɔ-Nya

Yasowa 22:15

Anu kera Kaliyadi nyamanɛ rɔ Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ warɛ tumɛ min, anu ya a fɔ anu ye ko, “Nfenna wo ara kɛ nyɔgɔn ko-yogomɛ ma ma benba Isirɛlata Alla la ka saraka-mintan-tinɛ ladan wo nyɛrɛ ma? Wo ye bilala Mari fɛ tun, ba?

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”