Saraka-Masɔlɛnuta Tɔnnu 26:28 - ALLALA KUMƐ

²⁸ n fonde si bɔ wo kuma ka tenbi a nani nyɔgɛ wo la.

Saraka-Masɔlɛnuta Tɔnnu 26:28 ပူးပေါင်းရင်းမြစ်များ

Yaburi 79:12

E, n tigi, sibolo-gbɛrɛ minnu bara i manyini, i tayili sara wonu na iko wɔrɔnfila.

Aiseya 27:4

A fondo-magboyani ma sundi wola ko la tun. Ni wɔnɛnu si taran nyɔ a si minnu kɛlɛ, fɔ a wa anu mintan gbur!

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 63:3

Mari ko ale le kelen pe ya sibole wonu tatɛn iko nɔnbɔ-gbɔɛ. A ko sibolo-wo-sibolo ma a dɛnbɛ anu tatɛntɛnna. Ata fondo-bɔ-belebele le ya a ma, a ya anu nunku a tontɛ la. A ko ala duruki ara wulen mɔgɔ kɛnu yele-kuran la.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 21:5

Mari ko a si wole, Yerusalɛm kɛnu kɛlɛ a sɛbɛ-kuna-wɛ anubɛ ata fondo-bɔ-wɛ la.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Nimisa Koe 4:11

Mari ya ata diminyɛ bɛɛ labɔ ma kan ma. A ya tɛ tugu Yerusalɛm soe la ka a mintan gburr!

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Isikiyɛli 5:15

“Nde, Mari wa diminya wo ma ka wo tɔrɔ, sibolo-gbɛrɛ minnu bi wola foolɛ rɔ, wonu kun ma si kɔ. Anu si nyima wo rɔ ka wo rasɛ.

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Saraka-Masɔlɛnuta Tɔnnu 26:24

n si ma wo yoge la. N si n yɛ lamunun wo la ka kɛ wo ma taragba ka a lagbɛlɛya wo kuma gben! N si wo tɔrɔya kɛ rɔ ka tenbi a sawa nyɔgɛ la.

Saraka-Masɔlɛnuta Tɔnnu 26:27

“Ni wo ya wo mun tɔrɔyɛ kɛ dama kɔrɔ, ado wo yisi-gbɛlɛyanɛ ni to ka a dan-natenbi, wo ma nna tɔnnu bira,

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.