Saraka-Masɔlɛnuta Tɔnnu 25:36 - ALLALA KUMƐ

^36-37 Ni i ya a dɔndɔ min na, i kana tɔnɛ sa wo kuma. Ni i ye ila dɔntɛ mayirala a ma, i kana tɔnɛ sa wo fanan kuma. Wo ni kilan nde, Alla la ka wo sigi-nyɔgɛnu fɛ-bira.

Saraka-Masɔlɛnuta Tɔnnu 25:36 ပူးပေါင်းရင်းမြစ်များ

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Nihɛmaya 5:3

Donu fanan bi a fɔla ko, “Fɔ ma ya mala wɔli-kɛ-tinɛnu anubɛ mala bɔnnu sigi tulumɛ le la alako ma ni dɔn-fan donu sɔrɔn min si a ma, ma ti faga kɔnkɔ-fitinɛ bolo.”

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Bɔ-Koe-Iyipiti 22:24

n yisi si bɔ wo kuma. Ni min ya wo ma, n si wo tigi faga. Ale fanan musi si ma kɛɛ-musi la. Ala dannu si to kelenniyɛ rɔ.

Bɔ-Koe-Iyipiti 22:25

“Ni min ya nta mɔgɔ bolo-kolɔn do dɔndɔ wodi la, a kana tɔnɛ sa wodi wo kuma ka a nyɛrɛ ma mɔgɔ-bɔnɔnɛ la.

Hɛnkilimaya-Kumɛnu 28:8

Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.

Aiseya 24:2

A si duninya mumɛ kɛ daga kelen tɔ. A saraka-masɔla wo, a saraka-masɔbɛli wo, a yɔɔn wo, a yɔɔn-tigi wo, a fen-mayirala wo, a fen-sanna wo, a sinkali-kɛla wo, a ye sinkala min ma wo, a fen-tigi wo, a bolo-kolon wo, wo bɛɛ si kɛ daga kelen tɔ.

Yɛrɛmaya 15:10

E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:17

A ye a banna ko-yogoma-kɛ ma. A wa mɔgɔ dɔndɔ, a ti tɔnɔ sa a kuma. A ye nna tɔnnu birala a kilɛ fɛ. Mɔgɛ wo ti faga ka a tɛgɛ a fala hakɛla ko ma. Fɔ a wa to a niyi la, yɔ!

Isikiyɛli 18:8

A wa mɔgɔ dɔndɔ, a ti tɔnɔ sa a kuma. A ye a banna ko-yogoma-kɛ ma. A ti kumɛ ladon binyɛ la mɔgɔ-wo-mɔgɔ ye.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Saraka-Masɔlɛnuta Tɔnnu 25:17

Wo kana wo na-kelen-nyɔgɛ Isirɛla mɔgɛnu kensunya. Wo ni kilan nde, Mari Alla la min ya kɛ fɔ.