Saraka-Masɔlɛnuta Tɔnnu 25:23 - ALLALA KUMƐ

²³ “Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Saraka-Masɔlɛnuta Tɔnnu 25:23 ပူးပေါင်းရင်းမြစ်များ

Ko-Dabirɛnu 23:4

“Sundan le nde la min siginɛ wole Hɛtinu tɛma. Wo ni dugu-kundu-nɛ di n ma alako n ni nna furi togon nyɔ.”

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

1 Mansɛnu 21:3

Nebɔti ya a fɔ ale mansɛ ye ko, “Ka dugi kɛ latenbi i ma, alamɛ Mari ya n kisi wo ma bawo benba kɛɛ-dugi le.”

1 Ko-Kɔrɔta-Karan 29:15

E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

2 Ko-Kɔrɔta-Karan 7:20

wo si a ma, n ni wo bɔ nyamanɛ kɛ rɔ. Wo kɔma, n ni n ban bɔn kɛ la min dantɛgɛnɛ n bato-koela ko la. Duninya-mɔgɛ bɛɛ si Bato-Bɔn wo ma mayɛlɛnma-fan la.

Yaburi 119:19

Sundan le nde la dugu-kole kɛ kuma. I yandi, i kana ila tɔnnu dogon n ma.

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Yaburi 85:1

E, Mari, i wara kinikini ila nyamanɛ ma nun. I wara a ma, Isirɛla mɔgɛnu bara sabati tun!

Bɔ-Koe-Iyipiti 19:5

Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la.

Bɔ-Koe-Iyipiti 2:22

Sipora ya den-kei sɔrɔn Musa ma. Musa ya a miri ko, “N bi sundanyɛ la nyamanɛ kɛ rɔ,” woletɔ a ya ala dan wo tɔgɔ sa Kɛrisɔn.

Isikiyɛli 48:14

Dugi min dantɛgɛnɛ nde, Mari ma, dugi wo tenbira dugi bɛɛ la nyamanɛ wo rɔ. Hali a pɛtɛrɛ-kundini ma ti yira, ado a ma ti felen fanan, ani a ti bɔ n bolo mumɛ! Nyɔ sɛnima, ado nde, Mari halalɛ le.

Hoseya 9:3

Wole Isirɛla mɔgɛnu ti to sigini Marita dugi kɛ rɔ tun fɔ anu ni ta wo la yɔɔnyɛ rɔ iko wo taranta Iyipiti rɔ nya min nun. Anu si ta wo la Asiriya nyamanɛ rɔ. Wo si to fan dɔnna nyɔ minnu ma sɛninya iko tɔn ya a fɔ nya min.

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Saraka-Masɔlɛnuta Tɔnnu 25:10

San bi-loli wo san bi-loli si ma san-yabɔnɛnu na minnu dantɛgɛnɛ nde, Mari ma. San wo la, bɛɛ halala-fen-kɔrɛ si sɛgi a tigi fɔlɔtɛ ma.

Saraka-Masɔlɛnuta Tɔnnu 25:24

“Ni min ya dugi san i ma, a ni a miri a ma ko a wati wa ke, a si a lasɛgi i ma tun.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.