Saraka-Masɔlɛnuta Tɔnnu 25:14 - ALLALA KUMƐ

¹⁴ Kɔnɔ n bara min fɔ nun, wo ni wo hɛnkili to wo ko. Min tenbi ata dugi mayirala a ta-nyɔgɛ Isirɛla mɔgɛ do ma, a kana a dɛ lagbɛlɛya a kuma.

Saraka-Masɔlɛnuta Tɔnnu 25:14 ပူးပေါင်းရင်းမြစ်များ

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

Yaburi 10:18

Mɔgɔ-tɔrɔnɛ anubɛ kelennɛnu tenbi dila, i si anu di-kɛ-kan lamɔɛn, ado i si sɔ anu fɛ woletɔ hadama-dan ti a ma, mɔgɛnu ni kilan tun.

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Hɛnkilimaya-Kumɛnu 21:13

Mɔgɛ min bi a bole burunna a tole la alako a kana bolo-kolɔnnu di-kɛ-kan lamɔɛn, ale fanan tenbi dila lunyɛ do, a di-kɛ-kan la ti mɔɛn.

Hɛnkilimaya-Kumɛnu 22:16

Ni mɔgɛ ya ko-yogomɛ ma bolo-kolɔn la alako a ni ma nɔnfulu-tigi la, fɔ ale fanan ba ma bolo-kolɔn la, yɔ! Ni mɔgɛ tora fan dila nɔnfulu-tigi ma, ale fanan si ma bolo-kolɔn la.

Hɛnkilimaya-Kumɛnu 28:16

Kun-takolɔn wa kun-tigiyɛ sɔrɔn, a si wunduyogoyɛ sigi mɔgɛnu ma. Kɔnɔ ni mɔgɛ ya a kan-kɔ sɔ kensunya-fannu na, a si simayɛ sɔrɔn.

Hɛnkilimaya-Kumɛnu 28:3

Kun-tigi bolo-kolɔn min bi a ta-nyɔgɛ bolo-kolɔn yakɔrɔ-mamɔla, wo mani de iko bandɛ min bi nala ka ki-fannu tinya.

Hɛnkilimaya-Kumɛnu 28:8

Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Saraka-Masɔlɛnuta Tɔnnu 25:15

Min tenbi ala wɔli-kɛ-tinɛ mayirala a ta-nyɔgɛ do ma, a ni a miri a ta-nyɔgɛ si san min nyɔgɔn tɔnɛ sɔrɔn ala ki-fan wonu tɔ yanni dugi ni sɛgi a tigi fɔlɔtɛ ma.

Saraka-Masɔlɛnuta Tɔnnu 25:17

Wo kana wo na-kelen-nyɔgɛ Isirɛla mɔgɛnu kensunya. Wo ni kilan nde, Mari Alla la min ya kɛ fɔ.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Luka 3:14

Kɛlɛ-dan donu fanan ya a manyinika ko, “Male don? Male ni nfen ma?” A ya a fɔ wonu ye ko, “Wo kana wodi bɔ mɔgɛnu bolo fɔrɔsɛ la anubɛ foninyɛ la. Wo sarɛ ni wo wasa.”

1 Kɔrɛnti 6:8

Kɔnɔ wo nyɛrɛ ye ko-yogomɛ kɛla wo ta-nyɔgɔn dɛnkɛninya-mɔgɛnu na. Wo nyɛrɛ ye anu kensunyala, ado wo ta-nyɔgɛ dɛnkɛninya-mɔgɛnu denu bi kɛnu na.

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.