Saraka-Masɔlɛnuta Tɔnnu 25:10 - ALLALA KUMƐ

¹⁰ San bi-loli wo san bi-loli si ma san-yabɔnɛnu na minnu dantɛgɛnɛ nde, Mari ma. San wo la, bɛɛ halala-fen-kɔrɛ si sɛgi a tigi fɔlɔtɛ ma.

Saraka-Masɔlɛnuta Tɔnnu 25:10 ပူးပေါင်းရင်းမြစ်များ

Ɛsira 1:3

Wole Allata mɔgɛnu, alamɛ Alla tora wo fɛ. Wo ta Yerusalɛm ka Mari Bato-Bɔn sɔ a kurɛ la Isirɛlata Alla ye nyɔ, anu bi Alla min batola Yerusalɛm soe burɔ, kɔni.

Yaburi 146:7

Minnu niyi ragbɛrɛnnɛ anu ma, a si yo di wonu ma. A si kɔnkɔtoenu de-nyini. Mari si mɔgɔ-biranɛnu to anu diya.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Aiseya 49:9

A ko a si yelela-mɔgɛnu bɔ yele la. Minnu namaranɛ pinpi rɔ, a si waan di wonu ma. Anu si ma iko sagɛ minnu bi anu de-nyinina kɔnkɛnu ma.

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Yɛrɛmaya 34:8

Mansa Sɛdɛkaya anubɛ Yerusalɛm kɛnu sɔnta ko kelen ma. Anu sɔnta ko bɛɛ ni a ta-nyɔgɛ Hiburu yɔɔn boloka, a keima wo, a musuma wo. A ko mɔgɔ kana a na-kelen-nyɔgɛ Isirɛla mɔgɛ ma yɔɔn la tun. Mɔgɔ-banu anubɛ anuna mɔgɛnu sɔnta yɔɔn-boloka-koe wo ma. Anu ko anu ti wo sufa ma tun. Anu ya anuna yɔɔnnu boloka kɔnɔ tɔ-a-la, anu ya anu miriya yɛlɛma. Anu ya anu nasɛgi yɔɔnyɛ rɔ tun ka a lagbɛlɛya anu kuma. Wo kɔma, Mari Isirɛlata Alla ya sarakanɛ don n bolo

Isikiyɛli 46:17

Kɔnɔ ni mansɛ wo ya ala dugi do di ala wɔli-kɛlɛ do ma, Halala-Fan-Lasɛgi-San wa ke, dugi wo si sɛgi mansɛ ma tun. Dugi wo la si sɛgi mansɛ anubɛ ala dannu ma. Anutɛ dɔrɔn de wo la.

Saraka-Masɔlɛnuta Tɔnnu 25:11

San wo nyɛrɛ la, wo kana wola suginu fui anubɛ ka wola ki-fen-banannu tɛgɛ a mayira-koe la. Wo kana wola kɔn-gbɔɛnu keri a mayira-koe la.

Saraka-Masɔlɛnuta Tɔnnu 25:13

“Wo ara wola dugi minnu mayira wo ta-nyɔgɛnu ma nun, san wo la, bɛɛtɛ si sɛgi a ma iko ile Musa si na a tala wo la nya min.

Saraka-Masɔlɛnuta Tɔnnu 25:54

Kɔnɔ ni Isirɛla mɔgɛ wo ma ke a nyɛrɛ kunkala, ado mɔgɔ sa a bolo min si a kunka sibolo-gbɛrɛ wo ma, Mɔgɔ-Halala-Fan-Lasɛgi-San wa ke tumɛ min, anu si bɔ kei wo kɔrɔ ka to anu nyɛrɛ ma.

Luka 1:74

ko a si ma kisi ka ma bɔ ma yogenu bolo. A sɔnta ko ma ni wɔli Alla ye hali ma ma kilan.

2 Kɔrɛnti 3:17

Nba, Mari wo, ata Ni-Sɛnimɛ le, ado Marita Niyi wo ye kan min, hɔrɔyɛ ye nyɔ le.

Kalesiya 4:25

Hega le Sinayi kɔnkɛ misalɛ la. Kɔnkɛ wo ye Arebiya nyamanɛ le tɔ. Kɔnkɛ wonubɛ Yerusalɛm soe min bi duninya kɛ rɔ, misali kelen de wonu na. Wonubɛ nyɔ-mɔgɛnu bi yɔɔnyɛ rɔ.

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

1 Pita 2:16

Mɔgɔ-hɔrɔyanɛ le wole la kɔnɔ wo kana wola ko-yogomɛnu dogon wola hɔrɔyɛ fɛ. Wo ni ma yɔɔnnu na Alla ye.