Saraka-Masɔlɛnuta Tɔnnu 23:32 - ALLALA KUMƐ

³² Ka a fɔlɔ ma karɛ wɔrɔnfilɛ, a tele kɔnɔntɛ fitiri-magben ma ha a tele tan fanan fitiri-magben ma, ma si wo le ma mata Sulen-Tele do la. Ma kana fenfen dɔn.

Saraka-Masɔlɛnuta Tɔnnu 23:32 ပူးပေါင်းရင်းမြစ်များ

Nihɛmaya 13:19

Tele min banda kɛ ye bɛnna Sulen-Tele ma, n ya a fɔ anu ye ko wo wurɛ la, anu ni Yerusalɛm so-tarɛ don-dɛ bɛɛ latogon. Anu kana anu naka fɔ Sulen-Tele wurɛ la. N ya da-makandannɛnu sɔ so-tarɛ don-dɛ wonu na alako mɔgɛnu kana na fen-mayirata la soe burɔ Sulen-Tele ma.

Yaburi 35:13

Kɔnɔ n yoge wonu kirayanɛ, n dira anuna ko la kosɛbɛ! N ya kasa-duruki bila n kan la ka n nyɛrɛ lakɔnkɔ anuna ko la. Nna madiyalɛ ma yabilɛ sɔrɔn min kɛ, n tora dila anuna ko la

Yaburi 51:17

E, Alla, ndeta sarakɛ ye min na, wo le famayigi la. Ile Alla ye nyinina min ma bɛrɛbɛrɛkɛ, wo le mɔgɛ yisi wa tinya a sɔn-yogomɛla ko la.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Saraka-Masɔlɛnuta Tɔnnu 16:29

“Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 16:31

Tele wo si ma anu sɛninya-tele la, anu dama si sunyɛ don ka anuna wɔlɛnu to nyɔ wulɔn tele kelan. Wo si tɔn kɛnu bira ka a fɔlɔ bi ma ha tumɛ min di Alla ye.

Saraka-Masɔlɛnuta Tɔnnu 23:31

Mari ko tɔn kɛ siginɛ ma kuma ma tara kan-bo-kan ka a dabira bi ma ha tumɛ min di ale ye.

Saraka-Masɔlɛnuta Tɔnnu 23:33

Mari ko ma wa ban mala dɔn-fannu tɛgɛla wati min, ma ni Lele-Sɔɛ-Ladɛn dabira mata karɛ wɔrɔnfilɛ a tele tan-ni-loli ma ka ladɛn wo kɛ tele wɔrɔnfila kɔrɔ.

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

1 Kɔrɛnti 11:31

Kɔnɔ ni ma ya ma nyɛrɛ lakɔrɔsi fɔlɔn a kilɛ fɛ, Alla ti ma kiti.

Hiburunu 4:11

Nba, ma ni ma raya worɔ alako ma ni sulen tinɛ wo masɔrɔn. Ma fenfen kana ma kuma-birabɛlɛ la iko anu denu ya a ma nya min. Wo le ya a ma, anu foora Allata sulen tinɛ la.

Hiburunu 4:3

Male min dɛnkɛninyanɛ, male si sulan wo sɔrɔn. Hali Alla ara ban sulen tinɛ wo rabɛnna nun kebi duninya-dan-wati, minnu ma dɛnkɛninya a ma, Alla ya a fɔ wonu denu ye ko, “N yisi bɔnɛ ya n keli ko kɛnu ti don nyamanɛ wo rɔ mumɛ, anu si anu sulen kan min!”