Saraka-Masɔlɛnuta Tɔnnu 2:2 - ALLALA KUMƐ

² Dɛgɛ-munke min yabasannɛ tuli kɛ la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wo sumɛ si diya Mari ye. Bolo-nya kelan wo si ma iko a ya a damasi mintan Mari ye.

Saraka-Masɔlɛnuta Tɔnnu 2:2 ပူးပေါင်းရင်းမြစ်များ

Nihɛmaya 13:14

E, nta Alla, i fonde lamiri koe wo dama ma n bara minnu ma ita Bato-Bɔn anubɛ a wɔlɛla ko ma.

Nihɛmaya 13:22

Wo kɔma, n ya a fɔ Lifayinu ye ko anu ni anu nyɛrɛ sɛninya ka to tarɛ don-dɛnu makandanna alako Sulen-Tele ni to gbiliyɛ rɔ. E, Alla, i fonde lamiri n ma kɛ fananna ko la. I ni n tanka ka a tɛgɛ ita keninteya-wɛla ko ma.

Bɔ-Koe-Iyipiti 30:16

Ile Musa ni wodi-gbɛ wo bira Isirɛla mɔgɛnu bolo ka a ma nde, Allata Fani-Bɔn mabɛn-fan la. Wo si ma wo hakɛ-yamatogon-fan la alako nde, Mari yili ni to wo ko.”

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Saraka-Masɔlɛnuta Tɔnnu 1:17

A si a bira a kanban ma ka kona wo buyi laka kɔnɔ a kana a kanban ka a ma. A si a bu-lakanɛ wo bi ka a sa ta-wɔlɔn rɔ. Wo si mintan gburr! Wo sumɛ si diya Mari ye.”

Saraka-Masɔlɛnuta Tɔnnu 2:16

Dɛgɛ min yabasannɛ tuli la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wonu sumɛ si diya Mari ye. Bolo-nya kelen wo si ma iko a ya a damasi mintan Mari ye.

Saraka-Masɔlɛnuta Tɔnnu 2:9

A si doni keri a la ka a sa tɛ rɔ. Wo sumɛ si diya Mari ye. Wo si ma iko a ya a damasi mintan Mari ye.

Saraka-Masɔlɛnuta Tɔnnu 24:7

Wo si isɛnti fanan sigi biredi-ladɛnnɛ wonu tɔnkɔn rɔ. Sulen-Tele wo Sulen-Tele, wo si biredi kɛnu kunka isɛnti kɛ la nde, Mari ye ka isɛnti mintan tɛ rɔ. A si ma worɔ iko wo ara biredi kɛnu denu mintan nde, Mari ye.

Saraka-Masɔlɛnuta Tɔnnu 4:31

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenu saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 5:11

“Ni a ti ke kangbo filɛ wo sɔrɔnna, ni wo ma, purulen fila, a si na dɛgɛ-munke pani-kunbɛ-nya kelen na a bolo ka wo ma a hakɛ-sarakɛ la. Kɛ sa iko dɛgɛ-munku-saraka-doi wonu bawo a ti a ramaga tuli la ani a ti isɛnti sa a kuma. Hakɛ-sarakɛ le kɛ la.

Saraka-Masɔlɛnuta Tɔnnu 5:12

A si na a la saraka-masɔlɛ wara. Saraka-masɔlɛ wo si a bolo-nya kelen bi ka a sa tɛ rɔ. Bolo-nya kelan wo si ma iko a ya a damasi mintan Mari ye.

Saraka-Masɔlɛnuta Tɔnnu 6:15

Dɛgɛ min tamaganɛ tuli la, a si wo bolo-nya kelen bi wo rɔ ka wo sa saraka-mintan-tinɛ kuma anubɛ isɛnti. Bolo-nya kelan wo si a ma iko a ya a damasi mintan Mari ye. Wo sumɛ si diya Mari ye.

Yilan-Yilan Koe 5:18

A ni musi wo kun-sigi lafulen ka bu-gbɛngbɛnnɛ wo do bi ka a kɛ musi wo bole tɔ. Saraka-masɔlɛ si sɔ musi wo yarɔ bɔnku-dagɛ ye a bolo. Yi-kunɛ wo min si dankɛ lana, wo ye bɔnku-dagɛ wo rɔ.

Yilan-Yilan Koe 5:26

A si a bolo-nya kelen bi ka a ma saraka-mintantɛ la. Bolo-nya kelan wo si a ma iko a ara a damasi mintan. Wo kɔma, saraka-masɔlɛ wo ni a ma, musi ni yi wo min.

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.