Saraka-Masɔlɛnuta Tɔnnu 19:31 - ALLALA KUMƐ

³¹ “Ni a sɔgɛ ye mɔgɛ do la ka a nyɛrɛ fɛ-koe lɔn, a kana ta ke yi-kɔrɔ-fɛlɛnnɛnu ma wa bolo-tafɛlɛnnɛnu. Ni min ya wo ma, wo tigi-sɛninyabɛlɛ si to. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:31 ပူးပေါင်းရင်းမြစ်များ

2 Mansɛnu 17:17

Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

2 Mansɛnu 23:24

Wo kɔma, a yi-kɔrɔ-fɛlɛnna wo, a bolo-tafɛlɛnna wo, a bɛsɛ min namaranɛ mɔgɛnu bolo bɔn la wo, anubɛ bɛsɛ wonu kɔ mirannu wo, Mansa Yosaya ya wonu wara-koe ban Yerusalɛm soe anubɛ Yuda nyamanɛ bɛɛ rɔ. A ya wo ma alako mɔgɛnu ni tɔn sɛbɛnɛ wonu bira, Saraka-Masɔla-Kun-Tigi-Wɛ Helikaya ya min yen Mari Bato-Bɔn la.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Bɔ-Koe-Iyipiti 22:18

“Wo kana sɔn, suwagɛ ni to a niyi la.

Aiseya 29:4

Yerusalɛm kɛ si ma iko furi tenbi huma-humana kanbɛ rɔ. A kuman-kan ra ti ban gbɛla.

Aiseya 47:13

I makawandilɛnu ya a ma, i munantɛgɛra. Ila lole-lakɔrɔsilɛnu nara i dɛnbɛn tinɛ. Anu bi lolenu wara-koe rakaranna i ye. Anu bi san-kole wara-koe rakaranna i ye. Karɛ-wo-karɛ, anu bi yarɔ-koenu fɔla i ye. Nba, wonu ni na i kunyɛ bɔ a rɔ.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 20:27

Kei wo, musi wo, ni min ya a nyɛrɛ don yi-kɔrɔ-fɛlɛn-koe rɔ, Mari ko wo ni wo tigi mabon kuri la. Wo tigi tɔgɛ si to a nyɛrɛ la.

Kɛwɔlɛnu 8:11

Anu ya anu tole masɔ a la wati bɛɛ bawo a ara mɛ duriyɛ kɛla anu tɛma ka anu nakawa wo nya.

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

1 Samuwɛli 28:3

Samuwɛli fagara tumɛ min nun, Isirɛla mɔgɛ bɛɛsi dira ala ko la le, ado anu ya a togon a halala soe Rema le burɔ. Kɔnɔ wo ya a taran, Mansa Sɔli ara bolo-tafɛlɛnnɛnu anubɛ yi-kɔrɔ-fɛlɛnnɛnu gben anuna nyamanɛ rɔ.