Saraka-Masɔlɛnuta Tɔnnu 19:17 - ALLALA KUMƐ

¹⁷ “Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Saraka-Masɔlɛnuta Tɔnnu 19:17 ပူးပေါင်းရင်းမြစ်များ

Ko-Dabirɛnu 27:41

Isɔ ya Yakobala koninteyɛ sigi a burɔ ka a tɛgɛ duwɛ wola ko ma a fa ya min kɛ a dɔgɛ ye. Isɔ ya a miri a ma a yisi rɔ ka a fɔ mɔgɛnu ya la ko, “N fa sa mɛla sayɛ la tun. Ni n fa sara, fɔ n ba n dɔgɛ kɛ faga.”

2 Samuwɛli 13:22

Aminɔ sɔgɔ labɔra Abasalɔm na lass, bawo a ara ko-yogoma-su wo ma a tirisan-musi la. A ma sɔn a da sɔla a ma.

Nihɛmaya 13:17

N ya Yuda kun-tiginu makuma wola ko la ka a fɔ anu ye ko, “I yɛ lata wo ye ko-yogoma-sufa min kun na. Wo ara a ma, Sulen-Tele sɛninyani ma ma bolo tun.

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Hɛnkilimaya-Kumɛnu 9:8

I kana mɔgɔ-wasinɛ latelen bawo ila ko si gboya a ye. Kɔnɔ ni i ya hɛnkilimɛ latelen, a si i gbiliya.

Luka 17:3

Wo ni a ma wo fɛrɛma! “Ni i na-kelen-nyɔgɛ ya hakɛ kɛ i la, ta a makuma. A wa i madiya, a makoto.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

1 Kɔrɛnti 5:2

Wo wasinɛ nfenna worɔ? A fisa nun, wo ni don diyi rɔ miliyɛ bolo, ado mɔgɛ min bara ko-sifa wo ma, wo ni wo gben wo kurun tɔ!

Kalesiya 6:1

N na-kelen-nyɔgɛnu, wole min bilanɛ Allata Ni-Sɛnimɛ fɛ, ni wo ya mɔgɛ do bira ko-yogoma-kɛ la, wo ni a latelen. Wo ni a kɛ dinyɛ rɔ. Kɔnɔ wo ni a ma wo fɛrɛma alako wo fanan kana na ko-yogomɛ ma.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Taita 1:13

Nɛbi wo ya min fɔ, tonyɛ le. Wo le ya a to, i ni anu makuma bɛrɛkɛ alako anu ni dɛnkɛninya-kɛndɛ sɔrɔn.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

1 Yɔni 2:11

Kɔnɔ ni gboyanayɛ ye anubɛ a na-kelen-nyɔgɔn tɛma, wo tigi ye pinpi rɔ. A ye tagamana pinpi rɔ. A ma a ta-tinɛ lɔn hali, bawo pinpi ara a fiyonya.

1 Yɔni 2:9

Ni min ko a ye waan rɔ kɔnɔ hali wo, gboyanayɛ ye anubɛ a na-kelen-nyɔgɛ do tɛma, wo tigi ye pinpi le tɔ ha kaka.