Saraka-Masɔlɛnuta Tɔnnu 16:29 - ALLALA KUMƐ

²⁹ “Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 16:29 ပူးပေါင်းရင်းမြစ်များ

1 Mansɛnu 8:2

Ladɛn wo ye kela anuna san karɛ wɔrɔnfila nyɔgɛ le ma Mansa Silamɛni warɛ. Ladɛn wo bɛnta Lele-Sɔɛ-Ladɛn le ma.

Ɛsira 3:1

Anu sɛgira san min na, wo karɛ wɔrɔnfila nyɔgɛ ya a taran, Isirɛla mɔgɛnu bara ban anu sigi-bole rabɛnna. Wo kɔma, Isirɛla mɔgɛ bɛɛ ya anu kundɛn Yerusalɛm soe burɔ.

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Yaburi 35:13

Kɔnɔ n yoge wonu kirayanɛ, n dira anuna ko la kosɛbɛ! N ya kasa-duruki bila n kan la ka n nyɛrɛ lakɔnkɔ anuna ko la. Nna madiyalɛ ma yabilɛ sɔrɔn min kɛ, n tora dila anuna ko la

Yaburi 69:10

N bi n famayigila i ye ka sunyɛ don kɔnɔ hali wo, mɔgɛnu bi n mamɔɛnna.

Bɔ-Koe-Iyipiti 12:16

A tele fɔlɔtɛ anubɛ a tele wɔrɔnfila nyɔgɛ ma, wo ni ladɛn kɛ ka nde, Mari bato. Wo kana wɔli mumɛ kɛ tele wonu ma fɔ dɔn-fen rabɛn-ko-wɔlɛnu, wo si wo le dɔrɔn ma.

Bɔ-Koe-Iyipiti 20:10

kɔnɔ a tele wɔrɔnfila nyɔgɛ si ma Sulen-Tele la nde, Mari Alla ye. Wo kana wɔli-wo-wɔli kɛ wulɔn tele ma. Wola dannu wo, wola yɔɔnnu wo, wola kolo-fannu wo, anubɛ wola sundannu, wonu fenfen kana wɔli kɛ.

Bɔ-Koe-Iyipiti 30:10

San-bo-san, Aruna ni hakɛ-yamatogon-saraka-yele sisa isɛnti mintan tinɛ bolɔnnu ma alako isɛnti mintan tinɛ si sɛninya nya min. San-bo-san, saraka-masɔla-wɛ si to kɛ mala a siyi-tele-bɛɛ kɔrɔ. Fɔ isɛnti mintan tinɛ, wo ni to sɛninyɛ rɔ nde, Mari ye feu!”

Bɔ-Koe-Iyipiti 31:14

wo ni Sulen-Tele wo gbiliya bawo tele-sɛnimɛ le min sɛninyanɛ wo ye. Ni min ya a tui ka tɔn wo tinya ka wɔlɛ kɛ tele wo ma, wo ni wo tigi gben wo kurun tɔ. Wo tigi ni faga yati!

Bɔ-Koe-Iyipiti 31:15

Wo ni wola wɔlɛ kɛ tele wɔrɔ kɔrɔ. A tele wɔrɔnfila nyɔgɔn ma, wo ni wo sulen wo ma bawo tele le wo la min dantɛgɛnɛ nde, Mari ma. Ni min ya wo tele tinya, wo tigi ni faga yati!

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Daniyɛli 10:12

A ko, “Daniyɛli, i kana kilan. Ka a bi a fɔlɔfɔlɛ rɔ, i ya i famayigi alako i ni ko-rayen kɛ kɔrɛ lɔn, Alla ya ila matarali-kan wo lamɔɛn. Nde fanan bara na alako ila mataralɛ ni yabi.

Daniyɛli 10:3

N ma dɔn-fen-nyima fenfen dɔn. N ma soge dɔn. N ma baan-wo-baan min ka n tabɛn a kilɛ fɛ ha lɔgɔkun sawɛ wo banta.

Saraka-Masɔlɛnuta Tɔnnu 23:21

Tele wo nyɛrɛ rɔ, ma kana wɔlɛ mumɛ kɛ kɔnɔ ma ni ma ladɛn ka Mari bato wulɔn. Mari ko ladɛn-kɛ-tɔn siginɛ ma kuma ma tara kan-bo-kan ka a dabira bi ma ha wo tumɛ min di ale Mari ye. Ma kana a boloka.

Saraka-Masɔlɛnuta Tɔnnu 23:3

Mari ko a ya tele wɔrɔ di ma ma ka mala wɔlɛnu kɛ kɔnɔ a tele wɔrɔnfila nyɔgɛ, a ko ma ni ma sulen wo rɔ. Mari ko a tele wɔrɔnfila nyɔgɛ wo ma, ma kana wɔlɛ kɛ kɔnɔ ma si ma ladɛn ka Mari Alla bato. Ma tara kan-bo-kan, a tele wɔrɔnfila nyɔgɛ wo, Maritɛ le wo la.

Saraka-Masɔlɛnuta Tɔnnu 23:36

Mari ko ma ni mata dɔn-fan kɔ-fan di a ma tele wɔrɔnfilɛ kɛ tele kelen-kelan bɛɛsi ma.

Saraka-Masɔlɛnuta Tɔnnu 25:9

wo si mɔgɛnu nawuli ka belenna buri fɛla nyamanɛ kan-tinɛ bɛɛ rɔ. Tele kɛ si ma wo Hakɛ-Yamatogon-Tele la.

Saraka-Masɔlɛnuta Tɔnnu 3:17

Isirɛla mɔgɔ-wo-mɔgɔ kana sogo-wo-sogo kɛɛn dɔn, ni wo ma, a yele. Wo siginɛ kan-bo-kan, tɔn le kɛ la Isirɛla mɔgɛnu ye habadan!”

Yilan-Yilan Koe 29:7

“Karɛ wɔrɔnfilɛ kɛ tele tan ma, wo kana wɔli-wo-wɔli kɛ wulɔn hali ka fen-dɔn-kɛ. Wo si wo ladɛn ka Mari bato.

Kɛwɔlɛnu 27:9

Ma mɛra nyɔ ha yi-kuma-ta-koe mara masibɛ la, ado Hakɛ-Yamatogon-Ladiyɛ ara tenbi nun gbɛ, wo wati rɔ. Woletɔ Pɔli ya kulun-tawɔli-kɛlɛnu makawandi,

1 Kɔrɛnti 11:31

Kɔnɔ ni ma ya ma nyɛrɛ lakɔrɔsi fɔlɔn a kilɛ fɛ, Alla ti ma kiti.

Hiburunu 4:10

Mɔgɔ-wo-mɔgɔ wa ata wɔli ban ka don Allata sulen tinɛ, wo si a sulen ala wɔlɛ ma iko Alla ya a sulen atɛ ma nya min.

1 Samuwɛli 7:6

Isirɛla mɔgɛ bɛɛsi ladɛnta Misipa soe burɔ. Anu ya yi do layɛlɛ kɔlɔn rɔ ka wo labɔn dugi ma Mari ye nyɔ. Anu telenta sunyɛ rɔ gbɛn, ha wurɛ la. Anu ko, “Ma ara hakɛ kɛ Mari la.” (Samuwɛli mara nyamani-kuma-kun-tigi la Isirɛla mɔgɛnu kun na Misipa soe kɛ le burɔ.)