Saraka-Masɔlɛnuta Tɔnnu 16:24 - ALLALA KUMƐ

²⁴ Wo kɔma, a si a ku nyɔ ka a nyɛrɛta kurɛnu bi. A wa ban a mayɛlɛmana tumɛ min, a si bɔ luyi ma ka saraka-mintantɛ saga-yigi filɛ wonu kan natɛgɛ ka anu mintan gburr! A wa ban kɛnu mintanna, wo si ale anubɛ Isirɛla mɔgɛnuna hakɛ yamatogon.

Saraka-Masɔlɛnuta Tɔnnu 16:24 ပူးပေါင်းရင်းမြစ်များ

Bɔ-Koe-Iyipiti 28:40

“Wo ni saraka-masɔ-durukinu nadan Arunala den-keinu ye. A ni buta-kiri-fannu nadan anu ye anubɛ a fulɛnu woletɔ mɔgɛnu yɛ si bɔ anu na ka saraka-masɔlɛnu gbiliya.

Bɔ-Koe-Iyipiti 28:41

I ni wonu don i kɔrɔ-kei Aruna anubɛ ala den-keinu kan na. I ni dantɛgɛ-tuli kɛ anu kunyɛ rɔ ka anu dantɛgɛ nde, Alla ma alako anu ni wɔlɛ kɛ nde ye saraka masɔ tinɛ.

Isikiyɛli 42:14

Ni a taranta saraka-masɔlɛ do ye bɔla Bato-Bɔn la ka ta kata burɔ mɔgɔ-gbɛrɛnu nadɛnnɛ kan min, yanni a ni ta nyɔ, a si Marita saraka-masɔ-kurɛnu bɔ ka wonu to konko wonu na bawo kurɛ wonu sɛninyanɛ. A si a halala-kurɛnu don yanni a ni ta mɔgɛ doinu tɛma.”

Saraka-Masɔlɛnuta Tɔnnu 14:9

A tele wɔrɔnfila nyɔgɛ wo ma, a si a kunyɛ sii anubɛ a da-buyɛ anubɛ a ya-gbungbɔn-kuma-sii anubɛ a fɛrɛ-bɔnkɛ damasi masii. A ara sɛninya kɔnɔ a toe tonɛ a la tun.

Saraka-Masɔlɛnuta Tɔnnu 16:25

A si saraka-soge wonu kɛɛnnu mintan anu hakɛ-sarakayɛ la.

Saraka-Masɔlɛnuta Tɔnnu 22:6

Saraka-masɔlɛ min bara a nyɛrɛ latinya iko kɛ sufa, wo tigi sɛninyabɛlɛ si to ha wurɛ la. Fɔ a wa ta a ku wurɛ la, a ni na to a bole bilala sarakɛ rɔ ka a dɔn.

Saraka-Masɔlɛnuta Tɔnnu 9:7

A ya a fɔ Aruna ye tun ko, “Ta hakɛ-sarakɛ anubɛ saraka-mintantɛ bɔ saraka-mintan-tinɛ kuma. Wonu si ile anubɛ Isirɛla mɔgɛnu hakɛ yamatogon worɔ iko Mari ya a fɔ nya min nun.”

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.