Saraka-Masɔlɛnuta Tɔnnu 14:19 - ALLALA KUMƐ

^19-20 “Saraka-masɔlɛ si san-kelen-saga-yɛrɛ wo bi ka a ma kirayato-kɔrɛ hakɛ-yamatogon-fan la. Wo kɔma fanan, a si san-kelen-saga-yigi-toe wo bi ka wo ma saraka-mintantɛ la anubɛ dɛgɛ ka wonu sa tɛ rɔ saraka-mintantɛ kuma. Saraka-masɔlɛ banta sarakɛ kɛnu dila Mari ma tumɛ min, wo ya tɛlɛto-kɔrɛ wo hakɛ yamatogon ka a sɛninya a kila-bɛrɛbɛrɛ fɛ.

Saraka-Masɔlɛnuta Tɔnnu 14:19 ပူးပေါင်းရင်းမြစ်များ

Saraka-Masɔlɛnuta Tɔnnu 14:12

Saraka-masɔlɛ si san-kelen-saga-yigi kelen bi anubɛ tuli ka anu di Mari ma kirayato-kɔrɛ wo yiliki-sarakɛla ko la. Kɔ-fan le kɛnu na Mari ya min di saraka-masɔlɛnu ma iko a ya a fɔ Musa ye nya min.

Saraka-Masɔlɛnuta Tɔnnu 14:14

“Saraka-masɔlɛ si saga-dan wo yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

Saraka-Masɔlɛnuta Tɔnnu 15:15

Saraka-masɔlɛ si kelan ma hakɛ-sarakɛ la. A si kelan doi wo ma saraka-mintantɛ la. Saraka filɛ kɛnu si ma kirayato-kɔrɛ wo hakɛ-yamatogon-fan la.

Saraka-Masɔlɛnuta Tɔnnu 5:1

“Ni mɔgɔ ya hakɛ kɛ sufanu kɛ, a bɛnta a ni to sarakɛ kɛnu bɔla a hakɛla ko la. “Ni anu ya mɔgɛ do kele kiti tɛgɛ tinɛ kɔnɔ a ya min namɔɛn ani a ya min tayen, ni a ma sɔn wo bɛɛsi rakaranna, wo hakɛ si to a kuma bawo a ma sɔn sereyɛ bɔla.

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.