Saraka-Masɔlɛnuta Tɔnnu 14:14 - ALLALA KUMƐ

¹⁴ “Saraka-masɔlɛ si saga-dan wo yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

Saraka-Masɔlɛnuta Tɔnnu 14:14 ပူးပေါင်းရင်းမြစ်များ

Bɔ-Koe-Iyipiti 29:20

I ni a faga ka a yele do bi ka a don Aruna anubɛ ala den-keinu bolo-nyimama-tolo-lafɛlafɛ ma anubɛ anu bolo-nyimama-gbungburu-wɛ ma anubɛ anu bolo-nyimama-kin-gbungburu-wɛ ma. I ni a yele-toe labɔn saraka-mintan-tinɛ tɔnkɔn nanɛ bɛɛ ma.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Saraka-Masɔlɛnuta Tɔnnu 14:19

“Saraka-masɔlɛ si san-kelen-saga-yɛrɛ wo bi ka a ma kirayato-kɔrɛ hakɛ-yamatogon-fan la. Wo kɔma fanan, a si san-kelen-saga-yigi-toe wo bi ka wo ma saraka-mintantɛ la anubɛ dɛgɛ ka wonu sa tɛ rɔ saraka-mintantɛ kuma. Saraka-masɔlɛ banta sarakɛ kɛnu dila Mari ma tumɛ min, wo ya tɛlɛto-kɔrɛ wo hakɛ yamatogon ka a sɛninya a kila-bɛrɛbɛrɛ fɛ.

Saraka-Masɔlɛnuta Tɔnnu 14:25

A si saga-dan wo bi ka a faga ka a yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Tɔn-Fɔɛ-Fila-Nyɔgɛ 24:8

“Ni fɛrɛma-kirayɛ bɔra mɔgɛ do fɛrɛ ma, wo ni a ma iko Mari ya a fɔ saraka-masɔlɛnu ye nya min.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,