Lankɛnimayɛ 9:5 - ALLALA KUMƐ

⁵ A ya a fɔ kondɔn wonu ye ko anu kana mɔgɛ wonu faga fɔ ka anu nyankankantan karɛ loli kɔrɔ. Dumɛ min bi anu na nyankankantan wo rɔ, wo tɔrɔyɛ mani de iko bondalɛ wa mɔgɔ bon.

Lankɛnimayɛ 9:5 ပူးပေါင်းရင်းမြစ်များ

2 Ko-Kɔrɔta-Karan 10:11

Wo kɔma, i ni a fɔ anu ye ko i fa ya dunɛ sigi anu kuma kɔnɔ ileta dunɛ si tenbi i fatɛ la. I ni a fɔ anu ye fanan ko i fa ya anu gbesi bosɛ le la kɔnɔ ileta bosa-dumɛ si wara anu ma iko bondalɛ wa mɔgɔ bon.”

2 Ko-Kɔrɔta-Karan 10:14

iko a ta-nyɔgɔ-kemini-mɛsɛ wonu ya a labila nya min. Ale mansɛ ya a fɔ anu ye ko, “N fa ya dunu-belebele sigi wo kuma kɔnɔ nde ye dunɛ min sigila wo kuma, wo si tenbi n fatɛ la. N fa ya wo gbesi bosɛ le la kɔnɔ ndeta bosa-dumɛ si wara wo ma iko bondalɛ wa mɔgɔ bon.”

Yobu 2:6

Woletɔ Mari ya a fɔ Setanɛ ye ko, “Awa, n bara a latenbi i ma. A manarangban kɔnɔ i kana a faga de!”

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

Lankɛnimayɛ 11:7

Anu ba ban anuta kumɛ fɔla tumɛ min, sogo-feremɛ min si na bɔ denka-dan-yenbɛlɛ rɔ, wo si anu kɛlɛ. A si anu nɔ ka anu faga.

Lankɛnimayɛ 13:5

Alla sɔnta ko sogo-feremɛ wo ni a nyɛrɛ kɔrɔbi ka ale Alla-rapɔsi-kumɛnu fɔ. A ya sɛnbɛ anubɛ sarati sɔrɔn Alla bolo karɛ bi-nani ani karɛ fila (42) kɔrɔ.

Lankɛnimayɛ 13:7

Alla sɔnta ko sogo-feremɛ wo ni Allata mɔgɛnu kɛlɛ ka anu nɔ. Sibole bɛɛ anubɛ bɔnsɔn bɛɛ anubɛ mɔgɔ-su bɛɛ iko anu kan faranɛ nya min, sarati dira a ma wonu kuma.

Lankɛnimayɛ 9:10

Anu mɔgɔ bon tinɛ min bi anu fɔɛn-sungban la, wo mani de iko bondalɛtɛ. Ni anu ya mɔgɛ bon anu fɔɛn wo la, karɛ loli, a ye wo dumɛ kɔrɔ.

Lankɛnimayɛ 9:3

Kondɔnnu bɔra ta-sisi wo rɔ dugu-kole kuma. Alla ya sɛnbɛ di anu ma iko bondalɛ.