Lankɛnimayɛ 9:2 - ALLALA KUMƐ

² Lole wo ya denka-dan-yenbɛlɛ laka. Ta-sisi ye bɔla a rɔ iko sulubondon-ta-sisi-wɛ. Tele anubɛ fɔnyɔ finta ta-sisi wo bolo min bɔra denka-dan-yenbɛlɛ wo rɔ.

Lankɛnimayɛ 9:2 ပူးပေါင်းရင်းမြစ်များ

Ko-Dabirɛnu 15:17

Fitiri ma, pinpi ara don gbɛ, ta-kɔ-miran, ta-sisi ye bɔla min tɔ, anubɛ kala-mɛlan tenbira sogo-kundu gbaranda filɛ wonu tɛma.

Ko-Dabirɛnu 19:28

A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn ta-sisi.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Aiseya 14:31

“Wole Filisiti so-burɔ-mɔgɛnu, wo ni wo dɛ sa-a-rɔ wo dɛnbɛn-koe la. Wo kun ma ni kɔ. Kirindinu bi nala gbangban tugula ka bɔ bolo-maran wara la, ado kɛlɛ-dan minnu bi nala wonu na, yuto-wo-yuto sa wonu tɔ.”

Daniyɛli 3:6

Ni mɔgɔ-wo-mɔgɔ ma sɔn a madula a kɔrɔ ka a matɔgɔ, anu si wo mɔgɛ lakɛ sulubondon tɛ rɔ tiriya!”

Yowɛli 2:10

Anu kinta-kan ye dugi layɛrɛyɛrɛnna. San-kole fanan bi yɛrɛyɛrɛnna. Tele anubɛ karɛ si fin. Hali lolenu, anu mɛlan ti yen.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Yowɛli 2:30

A ko a si kabana-koenu yira wo la san-kole rɔ anubɛ dugu-kole kuma. Wo si yele anubɛ ta-mɛlan anubɛ ta-sisi yen wo yɛ la.

Kɛwɔlɛnu 2:19

A ko a si kabana-koenu yira san-kole rɔ anubɛ tamaserenu dugu-kole kuma. Yele si bɔ anubɛ tɛ anubɛ ta-sisi-wɛ.

Lankɛnimayɛ 14:11

Tɛ min si anu tɔrɔ, wo sisi ye yɛlɛla san ma habadan! Minnu ya sogo-feremɛ wo kɔ anubɛ ala muninyɛ anubɛ minnu sɔnta a tɔgɔ-yatɛ-mandan ni sa a telɛ ma, ni wo ma, a bole, sulen mumɛ sa wonu ye su-ni-tele.”

Lankɛnimayɛ 16:10

Wo kɔma, melika loli nyɔgɛ ya ata pani-kunbɛ rawuya sogo-feremɛ wota mansaya-sigi-fan kuma. Pinpi burunta sogo-feremɛ wota nyamanɛ bɛɛ kuma bɛff! Mɔgɛnu ya anu nagannu kin dumɛ wo bolo.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.

Lankɛnimayɛ 9:1

Wo kɔma, melika loli nyɔgɛ ya ata buri fɛ. N ya lole min yen bɔla san ma nun ka bui dugu-kole kuma, Alla ya denka-dan-yenbɛlɛ da-nyin di wo ma.

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”

Lankɛnimayɛ 9:17

Nna ko-rayirɛ wo rɔ, n ya soeenu yen anubɛ minnu siginɛ anu kuma. Kɔgɔ-matanka-fan minnu wulennɛ iko tɛ, wo ye anu bolo anubɛ a bilolamɛ iko kuru-da-gbɛlɛ min tɔgɛ safaira anubɛ min nɛrɛ-munkulamɛ. Soee wonu kunyɛnu mani de iko yarɛnutɛ. Tɛ anubɛ ta-sisi anubɛ munku-gbɛ ye bɔla anu da rɔ.