Lankɛnimayɛ 9:17 - ALLALA KUMƐ

¹⁷ Nna ko-rayirɛ wo rɔ, n ya soeenu yen anubɛ minnu siginɛ anu kuma. Kɔgɔ-matanka-fan minnu wulennɛ iko tɛ, wo ye anu bolo anubɛ a bilolamɛ iko kuru-da-gbɛlɛ min tɔgɛ safaira anubɛ min nɛrɛ-munkulamɛ. Soee wonu kunyɛnu mani de iko yarɛnutɛ. Tɛ anubɛ ta-sisi anubɛ munku-gbɛ ye bɔla anu da rɔ.

Lankɛnimayɛ 9:17 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

1 Ko-Kɔrɔta-Karan 12:8

Kɛlɛ-nyana denu bi kɛnu na ka bɔ Kadi bɔnsɔn rɔ. Dawuda ye kan-tina-latankanɛ wulɛ rɔ tumɛ min, anu nara kofu Dawuda ma nyɔ. Wonu si kɛlɛ kɛ nɛgɛ-walan anubɛ tanbɛ la. Anu makilannɛ iko yarɛ. Anu bi gbanna kɔnkɛ kuma iko sensɛ.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Isikiyɛli 33:22

A nara tele min banda kɛ wurɛ la, n ya a lɔn yati, ko Marita Sɛnbɛ donta n tɔ wulɔn. Kei wo nanɛ wo banda kɛ, Mari ya a ma, n kɛra kumala tun.

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 21:20

A loli nyɔgɛ tɔgɛ le ɔnikisi. A wɔrɔ nyɔgɛ tɔgɛ le kaniliyan. A wɔrɔnfila nyɔgɛ tɔgɛ le kɔwɔti. A segin nyɔgɛ tɔgɛ le bɛrili. A kɔnɔntɔ nyɔgɛ tɔgɛ le topasi. A tan nyɔgɛ tɔgɛ le kalasidoni. A tan-ni-kelen nyɔgɛ tɔgɛ le tɔrikɔsi. A tan-ni-fila nyɔgɛ tɔgɛ le amɛtisi.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 9:18

Mɔgɛ faranɛ sigi tina sawa la, wo sigi tina kelan fagara tɔrɔya-fitina sawɛ wo bolo. Tɛ anubɛ ta-sisi anubɛ munku-gbɛ minnu bɔra soee wonu dɛ rɔ, wo le ya mɔgɛ wonu faga.

Lankɛnimayɛ 9:9

Fan do ye anu kɔgɔ-dɛ rɔ min manɛ iko kɔgɔ-matanka-fan min nadannɛ nɛgɛ la. Anu kanban-tagbesi-kan manɛ iko so-siyamɛnu tenbi kirindinu saganna anu burimatoe kɛlɛ-kɛ-tinɛ.