Lankɛnimayɛ 9:14 - ALLALA KUMƐ

¹⁴ Kuman-kan wo kumara melika wɔrɔ nyɔgɛ wo ye, buri ye min bolo tɔ, kɔni. A ko, “Melika nanɛ minnu kirinɛ Yufereti-ba-kinamɛ dafɛ, wonu fulen!”

Lankɛnimayɛ 9:14 ပူးပေါင်းရင်းမြစ်များ

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 2:14

Bɛ doi fanan tɔgɛ le Takarasi. Bɛ wo le tara ha Asiriya nyamanɛ tele-bɔɛ wara la. Bɛ doi fanan tɔgɛ le Yufereti.

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

Yɛrɛmaya 51:63

Woletɔ Sɛraya, i wa ban buku kɛ rakaranna anu ye, kuri kiri a la ka a lakɛ Yufereti bɛ rɔ.

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Lankɛnimayɛ 16:12

Wo kɔma, melika wɔrɔ nyɔgɛ ya ata pani-kunbɛ rawuya Yufɛrɛti-ba-wɛ rɔ. Bɛ wo gbalata ka kilɛ laka mansɛnu ye minnu bi nala ka bɔ tele-bɔɛ.

Lankɛnimayɛ 7:1

Wo kɔma, n ya melika nani sɔnɛ yen dugu-kole-tonko-nanɛ rɔ. Dugu-kolo-fɔn-nani biranɛ anu bolo alako fɔnyɔ kana tugu dugu-kole anubɛ kɔgɔ-yi anubɛ kɔlɔmanu ma tun.

Lankɛnimayɛ 7:2

Alla ara dugu-kole anubɛ kɔgɔ-yi-tinya-sɛnbɛ di melika nanɛ wonu ma. A ya wonu kele a kan-bɛ la. N ya melika-gbɛrɛ namatoe yen ka bɔ tele-bɔɛ-wara la. Alla nimɛta mandan ye a bolo.

Lankɛnimayɛ 8:2

Wo kɔma, melika wɔrɔnfila min sɔnɛ Alla yakɔrɔ tolon, n ya wonu yen. Alla ya buru wɔrɔnfila di anu ma anu si minnu fɛ.

Lankɛnimayɛ 8:6

Wo kɔma, melika wɔrɔnfilɛ wonu ya anu tabɛn buru wɔrɔnfilɛ wonu fɛ-koe la.

Lankɛnimayɛ 9:15

Mɔgɛ bɛɛ faranɛ sigi tina sawa la, melika nanɛ wonu fulenta ka mɔgɛ wonu sigi tina kelan faga. Alla ya anu namara wati wo nyɛrɛla ko la, tele wo nyɛrɛ rɔ, karɛ wo nyɛrɛ la, san wo la gben!