Lankɛnimayɛ 9:11 - ALLALA KUMƐ

¹¹ Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”

Lankɛnimayɛ 9:11 ပူးပေါင်းရင်းမြစ်များ

Yobu 26:6

Furinu bi kan tinɛ min tɔ, Alla kolan ye anu na. Yamatogon-tina-wo-tina ti a ma, a ti anu yen.

Yobu 28:22

Hali lakira anubɛ sayɛ ye a fɔla ko anu denu fanan bara a wara-koe lamɔɛn dɔrɔn!

Yobu 31:12

Ni a taranta, n bara ko sufa wo ma, n bolo-fan bɛɛ ni mintan nyahanama-tɛ rɔ.

Yaburi 88:11

Anu si ila keninteya-dannatɛgɛbɛlɛ wara-koe fɔ lakira, wa? Mɔgɛnu si ila telenbagayɛ wara-koe fɔ kasara tinɛ, wa?

Hɛnkilimaya-Kumɛnu 15:11

Hali sayɛ min dogonnɛ, ni Mari ye wo yenna, kumanato a ti ke male mɔgɔni-gbuyi-miriya lɔnna.

Luka 8:31

Nyinɛ wonu ya Yisa madiya ko a kana anu nata denka-rayan rɔ anu si tɔrɔyɛ sɔrɔn kan min.

Yɔni 12:31

“Duninya-mɔgɛnu kiti-tɛgɛ-tumɛ ara ke. Dɛnkɛninyabɛlɛnuna kun-tigi gben-tumɛ ara ke.

Yɔni 14:30

Wati-yan sa n bolo tun ka kuma wo ye bawo dɛnkɛninyabɛlɛnuna kun-tigi ye nala. Kɔnɔ sɛnbɛ sa wo bolo n kuma hali!

Yɔni 16:11

Dɛnkɛninyabɛlɛnuna kun-tigi, wola kiti wa ban tɛgɛla, anu si a lɔn Allala kiti ye nya min.

Yɔni 5:2

Yi sigi tinɛ min manɛ iko dalɛ, anu bara wo sin Yerusalɛm soe burɔ. A tɔgɛ Hiburu kan rɔ ko, “Bɛti-Sayida.” Tarɛ-don-dɛ min tɔgɛ “Sagɛnutɛ,” wo ye yi wo dafɛ. Bugi loli sɔnɛ anu bolo nyɔ.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

1 Yɔni 4:4

N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”