Lankɛnimayɛ 8:7 - ALLALA KUMƐ

⁷ Melika fɔlɔtɛ ya ata buri fɛ. Banda-kole anubɛ tɛ min yabasannɛ yele la, wonu nara dugu-kole kuma. Duninya faranɛ sigi tina sawa la, wo sigi tina kelan mintanta gburr! Duninya kɔlɔma bɛɛ faranɛ sigi tina sawa la, wo sigi tina kelan mumɛ mintanta. Bin-kurannu bɛɛ mintanta fanan.

Lankɛnimayɛ 8:7 ပူးပေါင်းရင်းမြစ်များ

Yaburi 105:32

A ma bandɛ lana anuna nyamanɛ rɔ fɔ san-sɛran anubɛ banda-kole.

Bɔ-Koe-Iyipiti 9:33

Musa bɔra mansɛ dafɛ ka ta soe kɔma. A ya a bolo filɛ sigi Mari ye. San-sɛran anubɛ banda-kole ratora.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 32:19

Hali banda-kole wa wola gbɔngbɔnnu takerikeri ka wola soenu tinya,

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Yowɛli 2:30

A ko a si kabana-koenu yira wo la san-kole rɔ anubɛ dugu-kole kuma. Wo si yele anubɛ ta-mɛlan anubɛ ta-sisi yen wo yɛ la.

Yemesi 1:11

Tele wa yɛlɛ, a wuyan si kɔn-fere wo lafɔsɔ. A fere si yalan. Ala kinyɛ si tinya pɔ! Nɔnfulu-tiginu fanan wara-koe si ka-a-la wo nya na le anu tenbi anuna ko ladannu na.

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

1 Pita 1:24

Iko a sɛbɛnɛ Allala kitabu rɔ nya min ko, “Mɔgɛ bɛɛ mani de iko yerimɛ. Anuna gbiliyɛ bɛɛ mani de iko yerima-fere. Yerimɛ si gbala, a fere si yalan.

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.

Lankɛnimayɛ 16:2

Melika fɔlɔtɛ tara ata pani-kunbɛ rawuya dugu-kole kuma. Sogo-feremɛla mandan ye minnu ma anubɛ minnu ya ala muninyɛ bato, tɛlɛ-yogomɛnu bɔra wonu ma minnu dumara kati!

Lankɛnimayɛ 16:21

Banda-kolo-wa-belebelenu bɔra san-kole rɔ ka bui mɔgɛnu ma. Wo kelen-kelennamɛ-bɛɛla gbiliyɛ si ma iko yi kalɔn segan. Mɔgɛ wonu ya Alla danka banda-kolo-fitinɛ wola ko la. Wo gbɛlɛyara anu kuma kati!

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.

Lankɛnimayɛ 7:1

Wo kɔma, n ya melika nani sɔnɛ yen dugu-kole-tonko-nanɛ rɔ. Dugu-kolo-fɔn-nani biranɛ anu bolo alako fɔnyɔ kana tugu dugu-kole anubɛ kɔgɔ-yi anubɛ kɔlɔmanu ma tun.

Lankɛnimayɛ 9:15

Mɔgɛ bɛɛ faranɛ sigi tina sawa la, melika nanɛ wonu fulenta ka mɔgɛ wonu sigi tina kelan faga. Alla ya anu namara wati wo nyɛrɛla ko la, tele wo nyɛrɛ rɔ, karɛ wo nyɛrɛ la, san wo la gben!

Lankɛnimayɛ 9:18

Mɔgɛ faranɛ sigi tina sawa la, wo sigi tina kelan fagara tɔrɔya-fitina sawɛ wo bolo. Tɛ anubɛ ta-sisi anubɛ munku-gbɛ minnu bɔra soee wonu dɛ rɔ, wo le ya mɔgɛ wonu faga.

Lankɛnimayɛ 9:4

A ya a fɔ anu ye ko bin wo, kɔlɔma wo, ki-fen wo, anu kana wo tɔrɔ fɔ mɔgɛnu dɔrɔn, Allata mandan sa minnu telɛ ma, kɔni.