Lankɛnimayɛ 8:11 - ALLALA KUMƐ

¹¹ Lole wo tɔgɛ le, “Kunayɛ.” Yi faranɛ sigi tina sawa la, wo sigi tina kelan kunayara. Mɔgɔ siyaman fagara yi la kunayɛ bolo.

Lankɛnimayɛ 8:11 ပူးပေါင်းရင်းမြစ်များ

Bɔ-Koe-Iyipiti 15:23

Tɔ-a-la, anu kera yi do ma min kunayanɛ kelele! (Woletɔ anu ya nyɔ kele ko Yi-Kuna.)

Hɛnkilimaya-Kumɛnu 5:4

kɔnɔ tɔ-a-la, a si a lakunaya i kuma iko kotuli ka i sanba dumɛ la.

Yɛrɛmaya 23:15

Woletɔ Mari Sɛnbɛ-Bɛɛ-Tigi ye kɛ fɔla ka a tɛgɛ Yerusalɛm nɛbinuna ko la. A si dɔn-fen-kunanɛnu di anu ma. Wo kɔma, a si dawara-yi di anu ma. A ko a ye wo mala le bawo anu bara nyamanɛ mumɛ bɛɛ latinya anuna wunduyogoyɛ la.

Yɛrɛmaya 9:15

Nba, Mari Sɛnbɛ-Bɛɛ-Tigi, Isirɛlata Alla ko a ti mɛ tun, wole Yuda kɛnu ni dɔn-fen-kunanɛ dɔn ka wo min dawara-yi la.

Nimisa Koe 3:19

N ba n miri n tɔrɔya-nya ma, ado n barɛ fɛ-yan n na, wo si ma n ye iko dawarɛ.

Nimisa Koe 3:5

A ya n bira ka n nafoo mɔnɛ anubɛ tɔrɔyɛ la.

Emɔsi 5:7

“Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Sakaraya 13:8

A ko ni a ya mɔgɔ sawa-wo-sawa taran, a si fila-fila bɔ wonu na ka anu faga.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.

Lankɛnimayɛ 8:7

Melika fɔlɔtɛ ya ata buri fɛ. Banda-kole anubɛ tɛ min yabasannɛ yele la, wonu nara dugu-kole kuma. Duninya faranɛ sigi tina sawa la, wo sigi tina kelan mintanta gburr! Duninya kɔlɔma bɛɛ faranɛ sigi tina sawa la, wo sigi tina kelan mumɛ mintanta. Bin-kurannu bɛɛ mintanta fanan.

Lankɛnimayɛ 9:15

Mɔgɛ bɛɛ faranɛ sigi tina sawa la, melika nanɛ wonu fulenta ka mɔgɛ wonu sigi tina kelan faga. Alla ya anu namara wati wo nyɛrɛla ko la, tele wo nyɛrɛ rɔ, karɛ wo nyɛrɛ la, san wo la gben!

Lankɛnimayɛ 9:18

Mɔgɛ faranɛ sigi tina sawa la, wo sigi tina kelan fagara tɔrɔya-fitina sawɛ wo bolo. Tɛ anubɛ ta-sisi anubɛ munku-gbɛ minnu bɔra soee wonu dɛ rɔ, wo le ya mɔgɛ wonu faga.

Ruti 1:20

Neyomi ya a fɔ ko, “Wo ka a fɔ n ma tun, ‘Neyomi’ min kɔrɛ le ‘kun-nadiyɛ.’ Wo ni a fɔ n ma le gbɛ ko, ‘Mara’ min kɔrɛ le ‘kun-nagboyɛ.’ Bawo Allatala ara kun-nagboyɛ di nde ma.