Lankɛnimayɛ 8:1 - ALLALA KUMƐ

¹ Gbolo-lamininɛ da-gbalɔnnɛ li-kɛɛn min na, saga-dan ya wo wɔrɔnfila nyɔgɛ bɔ a ma tumɛ min ka a lafulen, a sigira-a-la yen Arinyɛni tɔ hawa talɛ nyɔgɛ kɔrɔ.

Lankɛnimayɛ 8:1 ပူးပေါင်းရင်းမြစ်များ

Yobu 4:16

N ya fan do sɔnɛ yen n yakɔrɔ. N ya a mafɛlɛn sin, kɔnɔ n ma ban a ragbɛla. A sigira a la yen, wati-kundu-ni kɔrɔ, wo kɔma, n ya kuman-kan lamɔɛn.

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 62:1

N si a bira n tɔ ha Alla ni n kisi. N lara ale kelen pe le la.

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Matiyu 27:66

Woletɔ anu tara ka kanbɛ latogon a kin na ka mandan sa farɛ wo ma. Anu ya a kandannɛnu to nyɔ.

Lankɛnimayɛ 5:1

Ale min mayiginɛ mansaya-sigi-fan wo rɔ, n ya gbolo-lamininɛ yen a bolo-nyimɛ rɔ. A tɔnkɔn filɛ bɛɛ masɛbɛnɛ. A dɛ gbalɔnnɛ li-kɛɛn la dinkira wɔrɔnfilɛ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”

Lankɛnimayɛ 6:12

Nba, saga-dan ya a li-kɛɛn wɔrɔ nyɔgɛ bɔ gbole wo ma ka a lafulen. N ya wo yen nkɛkuna, dugu-yɛrɛyɛrɛn-ba kɛra. Tele finta iko birinkan-finyɛ. Karɛ yɛlɛmanta ka wulen pui iko yele.

Lankɛnimayɛ 6:3

Saga-dan ya li-kɛɛn fila nyɔgɛ bɔ a ma ka a lafulen. N ya dali-fen fila nyɔgɛ kan lamɔɛn ko, “Bɔ gbɛ ma!”

Lankɛnimayɛ 6:5

Wo kɔma, saga-dan ya li-kɛɛn sawa nyɔgɛ bɔ a ma ka a lafulen. N ya dali-fen sawa nyɔgɛ kan lamɔɛn ko, “Bɔ gbɛ ma!” N ya so-finyɛ fanan yen. Min siginɛ a kuma fanan, fen-suman-fan ye wo bolo.

Lankɛnimayɛ 6:7

Wo kɔma, saga-dan ya li-kɛɛn nani nyɔgɛ bɔ a ma ka a lafulen. N ya dali-fen nani nyɔgɛ kan lamɔɛn ko, “Bɔ gbɛ ma!”

Lankɛnimayɛ 6:9

Wo kɔma, saga-dan ya li-kɛɛn loli nyɔgɛ bɔ a ma ka a lafulen. Minnu fagara Allala-kumɛ-kawandili anubɛ anuna sereya-nyimɛla ko la, n ya wonu niyi yen saraka-bɔ-tinɛ kɔrɔ.