Lankɛnimayɛ 7:9 - ALLALA KUMƐ

⁹ Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.

Lankɛnimayɛ 7:9 ပူးပေါင်းရင်းမြစ်များ

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 2:8

A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 76:4

E, Alla, i gbiliyanɛ kati! I bɔnɛ i yogenu nɔ tinɛ kɔnkɛnu tɔ tumɛ min, i ya ila mansayɛ mayira mɔgɛnu na.

Yaburi 77:2

N tenbi tɔrɔyɛ rɔ, n bi n tigi matarala. Ki-kudu, n bole siginɛ Alla ye ka a madiya kɔnɔ n sa yisi-kima sɔrɔnna.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Isikiyɛli 47:5

A waga nani nyɔgɛ sumɛ a bolo, n kian ma ke nyɔ-kole la. Fɔ n ya n bɔn a ma le ka ba-matɛgɛlɛ kɛ.

Daniyɛli 4:1

Mansa Nɛbukanasa ya kilayɛnu nata sibole bɛɛ ma ala nyamanɛ rɔ. A duwara anu ye. A ko, “N bara wo dama kɔndɔn. Alamɛ wo damasi sabatira.

Daniyɛli 6:25

Wo kɔma, ale Mansa Dariyasi ya kɛdi sɛbɛ sibole bɛɛ ma ala nyamanɛ rɔ. A ko, “N bara wo dama kɔndɔn. Alamɛ wo damasi sabatira.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Saraka-Masɔlɛnuta Tɔnnu 23:40

Tele wo nyɛrɛ rɔ, ma si mala kɔn-gbɔ-hakikɛ donu keri. Ma si na tin-yanbɛnu firifirila san ma anubɛ kɔlɔma minnu yanba-kun siyaman bi a la. Ma ye ladɛn kɛ kɛla wo nya ka mata Mari Alla gbiliya.

Sakaraya 10:8

Mari ko a si ala mɔgɛnu kele ka anu kundɛn kan-tina-kelen. A ko a si anu kunyɛ bɔ gbaran rɔ ka anu nasiyaya iko fɔlɔ.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Yɔni 12:13

anu ya tin-yanbɛnu bi ka ta a labɛn tinɛ. Anu bi a fɔla kan-ba la ko, “I ni sɛnɛ! Min bi nala Mari tɔgɛ rɔ, Allata duwɛ ni to wo kuma! Allala duwɛ ni to Isirɛla mansɛ fɛ!”

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Ɛfɛsa 6:13

Woletɔ fɔ wo ni Allata kɛlɛ-kɛ-miran kɛnu bi kaka, ado wo kɛlɛ-tele wa ke tumɛ min, wo si ke ka wo yoge kɛlɛ ka a nɔ. Wo wa ban kɛlɛ kɛla tumɛ min, wo sɔnɛ si to wo gbɛ rɔ gben!

Hiburunu 11:12

Hali a ra ma gbɛlɛ nun kɔnɔ bɔnsɔn siyaman bɔra ale kei kelan wo le tɔ. A bɔnsɔn siya iko lolenu siya nya min. Anu siya iko kɔgɔ-yi-kɛnkɛn siya nya min mɔgɛ ti ke min dan lɔnna.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 22:3

Fenfen min bi Allata dankɛ kɔrɔ, wo ti taran soe wo burɔ. Alla anubɛ saga-danta mansaya-sigi-fan si taran soe wo burɔ. Ala wɔli-kɛlɛnu si to a batola.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 5:11

Wo kɔma, n ya n yɛ lata. N ya melikanu kan lamɔɛn. Wonu yatɛ ti ke lɔnna! Anu sɔra mansaya-sigi-fan anubɛ dali-fen nani anubɛ kɛmɔgɛnuna foolɛ rɔ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.

Lankɛnimayɛ 7:8

anubɛ Sɛbulɔn bɔnsɔn rɔ anubɛ Yusufu bɔnsɔn rɔ anubɛ Bɛnyamɛ bɔnsɔn rɔ.