Lankɛnimayɛ 7:3 - ALLALA KUMƐ

³ Melika wo ko, “Wo kana dugu-kole tinya anubɛ kɔgɔ-yi anubɛ kɔlɔmanu fɔlɔn. Fɔ ma ni mandan sigi mata Allata wɔli-kɛlɛnu telɛnu na.”

Lankɛnimayɛ 7:3 ပူးပေါင်းရင်းမြစ်များ

Bɔ-Koe-Iyipiti 12:13

Yele susanɛ bɔn minnu dɛ ma, yele wonu si ma tamasere la. Ni n ya tamasere wo yen bɔn minnu dɛ ma, n bi nta fitinɛ min nanala Iyipiti kɛnu ma, wo ti ke nyɔ.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Aiseya 27:8

Mari ma ala mɔgɛnu tɔrɔ wo nya na fɔ kɛlɛ tara anu na min kɛ. A tara anu na iko fɔn-gbɛlɛmɛ min bi bɔla tele-bɔɛ wara la wo ye tala fen-gbalɛ la nya min.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Aiseya 65:8

Mari ko fananta nɔnbɔ-gbɔ-yi ye a gbɔɛ rɔ, mɔgɛ ti anu tinya bawo anu ya a lɔn ko tɔnɛ ye nɔnbɔ-gbɔɛ wo rɔ. A ko ala wɔli-kɛlɛnu fanan bi wo nya na le. A ti anu nato.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Isikiyɛli 9:6

A kɛmɔgɔ wo, a kemini wo, a sunkurun-mɛsɛ wo, a denba wo, a den wo, wo ni anu bɛɛsi faga tɛrr! Kɔnɔ ni wo ya tamasere yen min telɛ ma, yanba kana yalan wo ma de! Wo ye a dabirala Bato-Bon-luyi ma yan de!” Anu ya a dabira mɔgɔ-ba mogan-ni-lolinu denu ma minnu bi luyi ma.

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 3:26

Ale mansɛ wo nyɛrɛ-nyɛrɛ tara sulubondɔn wo don-dɛ la. A ya a kuli mayɛlɛ ka kemini-mɔgɔ sawɛ wonu takele. A ko, “Sadiraki! Mɛsaki! Abɛdinigɔ! Alla Min Bi Fan Bɛɛ Kun Na, wole, a batolɛnu, wo bɔ tɛ rɔ. Wo ni na yan.” Mɔgɔ sawɛ wonu bɔra tɛ rɔ.

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Yɔni 3:33

Min ba ala kumɛ bira, wo ara a yira ko Alla ara min fɔ, tonyɛ le.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Lankɛnimayɛ 13:16

Sogo-feremɛ wo ya mɔgɛ bɛɛ fɔrɔsɛ, a dɔgɔma wo, a kinama wo, a nɔnfulu-tigi wo, a bolo-kolon wo, a hɔrɔ wo, a yɔɔn wo, ko mandan ni sa anu bolo-nyimɛ anubɛ anu telɛ ma.

Lankɛnimayɛ 13:17

Mɔgɔ-wo-mɔgɔ ti ke ka fen fere, ni wo ma, ka a san fɔ sogo-feremɛ wo tɔgɛ, ni wo ma, a tɔgɔ-yatɛ-mandan wa taran min bolo-nyimɛ ma.

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Lankɛnimayɛ 14:9

Melika sawa nyɔgɛ bilara filɛ wonu fɛ. A ye a fɔla a kulu-mayɛlɛnɛ la ko, “Ni mɔgɔ-wo-mɔgɔ ya sogo-feremɛ wo kɔ anubɛ ala muninyɛ ka sɔn a mandan ni sa a telɛ ma, ni wo ma, a bole,

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Lankɛnimayɛ 22:4

Anu si a yakɔrɛ yen. A tɔgɔ sɛbɛnɛ si taran anu telɛnu ma.

Lankɛnimayɛ 6:6

N ya kan do lamɔɛn min mani iko kuman-kan. Wo ye bɔla dali-fen nanɛ wonu tɛma. A ko, “Pani-kunbɛ-nya kelen fui-fan si tele-kelen-sarɛ bɔ. Fui-fan min tɔgɛ bali, wo pani-kunba-nya sawɛ si tele-kelen-sarɛ bɔ. Kɔnɔ i kana fɛɛ sa ɔlifi-tuli anubɛ nɔnbɔ-gbɔ-yi la!”

Lankɛnimayɛ 7:1

Wo kɔma, n ya melika nani sɔnɛ yen dugu-kole-tonko-nanɛ rɔ. Dugu-kolo-fɔn-nani biranɛ anu bolo alako fɔnyɔ kana tugu dugu-kole anubɛ kɔgɔ-yi anubɛ kɔlɔmanu ma tun.

Lankɛnimayɛ 7:2

Alla ara dugu-kole anubɛ kɔgɔ-yi-tinya-sɛnbɛ di melika nanɛ wonu ma. A ya wonu kele a kan-bɛ la. N ya melika-gbɛrɛ namatoe yen ka bɔ tele-bɔɛ-wara la. Alla nimɛta mandan ye a bolo.

Lankɛnimayɛ 9:4

A ya a fɔ anu ye ko bin wo, kɔlɔma wo, ki-fen wo, anu kana wo tɔrɔ fɔ mɔgɛnu dɔrɔn, Allata mandan sa minnu telɛ ma, kɔni.