Lankɛnimayɛ 7:15 - ALLALA KUMƐ

¹⁵ Wo le ya a ma, anu sɔnɛ Allala mansaya-sigi-fan yakɔrɔ ka wɔlɛ kɛ a ye a Bato-Bɔn la su-ni-tele. Ale min mayiginɛ mansaya-sigi-fan rɔ, ale le si anu natanka.

Lankɛnimayɛ 7:15 ပူးပေါင်းရင်းမြစ်များ

1 Mansɛnu 6:13

ado n si to nta Isirɛla mɔgɛnu fɛ. N ti anu boloka muk!”

1 Ko-Kɔrɔta-Karan 23:25

Mansa Dawuda ya a fɔ ko, “Isirɛla mɔgɛnuta Mari Alla ara yisi-kimɛ di ala mɔgɛnu ma. Alla nyɛrɛ si to sigini Yerusalɛm burubukai!

Bɔ-Koe-Iyipiti 29:45

N si sigi wole Isirɛla mɔgɛnu tɛma ka ma wota Alla la.

Isikiyɛli 37:27

N si to anu fɛ burubukai! N si ma anuta Alla la. Anu si ma nta mɔgɛnu na.

Saraka-Masɔlɛnuta Tɔnnu 26:11

N si to wo fɛ nta Fani-Bon-sɛnimɛ burɔ. N ti wo boloka mumɛ!

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 8:1

Ma ye koe min fɔ tinɛ wo ye kɛ la, wo kunyɛ le kɛ la. Saraka-masɔla-kun-tigi-wɛ ye ma bolo min siginɛ Allata mansaya-waganɛ kɔɛn-nyimɛ rɔ Arinyɛni tɔ.

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 13:6

A wulita Alla dankala ka a tɔgɔ tinya. Wo kɔma, Alla mayiginɛ kan min, a ya nyɔ danka. Min sanɛ wo kuma fanan, min bɛɛ siginɛ Arinyɛni tɔ, a ya wonu fanan danka.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.

Lankɛnimayɛ 22:3

Fenfen min bi Allata dankɛ kɔrɔ, wo ti taran soe wo burɔ. Alla anubɛ saga-danta mansaya-sigi-fan si taran soe wo burɔ. Ala wɔli-kɛlɛnu si to a batola.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”

Lankɛnimayɛ 4:9

Dali-fen nani wonu bi tola bonyɛ anubɛ gbiliyɛ anubɛ baraka-birɛ bɔla a ye tumɛ bɛɛ, ale min mayiginɛ mansaya-sigi-fan rɔ, kɔni. A nimayanɛ nyɔ habadan! Anu tenbi wo mala,

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.